豊洲水産海鮮丼専門店 (已結業)

系香港食过好多日本嘢，别论价钱，总系食唔番系日本地到既鲜甜鱼生。今次黎丰洲水产试下，真系有惊喜。我叫左个飞天黑鲔大满贯丼，$298，有三件黑鲔赤身，三件中toro，三件大toro，仲有鱼腩蓉，黑鲔toro不愧系招牌刺身，厚厚大切，入口即融，鲜甜系口腔停留，回味无穷！唔知咩系靓刺身，呢度你食过就知！配埋圆润既日本饭，真系大满足！另外500g既海鲜丼，$248，都绝不欺场，有黑鲔中拖罗、黑鲔赤身、黑鲔鱼腩蓉、三文鱼子、飞鱼子、油甘鱼、三文鱼、松叶蟹肉、玉子蛋卷、醋鲭鱼、牡丹虾、响螺片、带子，真系包罗万有，件件货真价实！自家制既鳗鱼蛋卷亦都系水准之作！蛋香软滑。豚肉汤乌冬你都不要少看，用上日本弹牙乌冬，多葱，配日本半肥瘦猪肉同香菇，味道清香。见有款特色嘢饮，薏米西米豆浆，睇落几新奇，饮落味道又几夹。款款食物都食出好用心，我食完都好开心。