二鍋頭 (嘉芙中心)

营业中

休息中

今日突然想打边炉，就约埋两个朋友，今次想食任食，㩒㩒下就拣咗呢间《二锅头》，佢有鸡煲、猪手煲同牛尾煲拣，因为朋友唔食牛，所以我哋最后拣咗鸡煲，拣咗小辣。我哋拣埋汤底for之后打边炉，有成10款汤底拣，花多眼乱添，最后员工推介咗鹧鸪锅，可能因为我哋比较早到，而佢鹧鸪锅系写住每日限量，听讲话好似煲成4个钟，推介我哋未试过可以试下，咁我哋就一于试下。鸡煲一黎到好香，望落鸡件都多，食落都几嫩滑，好似应该可以再加，但因为一黎都唔少，所以都ok我哋已经急不及待打边炉。即刻上鹧鸪锅，一黎饮咗个汤先，感觉都有啲似炖汤，有少少药膳feel，但唔会话好大阵中药味咁嘅，感觉几滋补，不错。跟住打边炉有啲食物要出去自助区攞，环境好干净，拎酱油调味料都好整齐好full，听职员讲啲丸类都系台湾丸来的，即刻拎啲试下，几弹口。其他就QR code落单，安格斯肉封门柳、安格斯牛板腱都好食，牛板腱比较腍身，封门柳就牛味重啲，最有惊喜竟然系佢碟鹅肠，我哋encore咗几次，最后last call朋友仲一次过点咗5，劲大碟😂虽然好饱，但最后梗系要食埋条雪条（甜品）先完满，佢仲有乳酪、雪糕，都几多味拣，呢个价钱都几抵食。二锅头尖