kikusan (已結業)

约友人食饭，佢一向唔钟意食煎炸油腻野，所以拣左依间上海x日本fusion菜，两样我都钟意食。《Kikusan卷》Kikusan卷系Kikusan既招牌菜，青瓜寿司小卷面头再铺碎吞拿鱼、海胆、三文鱼籽、葱碎，人人台上都叫了起码一碟，吞拿鱼海胆新鲜，加上碎葱三文鱼子吊味，盛惠$82，一百蚊有找，必叫！《南瓜味增汤牛肉温泉蛋乌冬》本身觉得南瓜味增好似有啲格格不入，但南瓜味唔太抢，主要为味增味加一份甜味，牛肉质数一般，乌冬弹牙烟韧，中规中矩啦。《小笼包》其中一个上海菜必叫嘅小笼包，同朋友食咗一个先记得影相，佢皮薄猪肉馅入味，略嫌可以再多少少肉汁，$48/4个都唔错，可以一试。