影片
更多
2009-02-27
76 浏览
2009年1月28日晚饭 (年初三) – 谦记今年系第一次同男友过年, 我地亦都差唔多日日都系埋一齐…年初一二都唔系太多舖头开, 冇啖好食…年初三系放假最后一日, 决定食得丰富d…几经辛苦先揾到久仰大名的谦记, 原来已经搬左做楼上舖…一试之下, 果然名不虚傅… 一向大食的我俩, 点了7样野, 哈哈食到捧住个肚走…1. 酒煮西蚬锅并四川麻辣汤底 – 一向都钟意食酒煮蚬, 估唔到可以用黎打边炉…个锅一送埋台, 香气四溢, 蚬肉亦很嫩很新鲜, 好大只…麻辣汤底亦唔错, 够香够辣, 不过我就唔系太敢由头到尾系呢边烚黎食, 都系蜻蜓点水式点下d辣就算… 2. 本地手切肥牛 – 好好味, 脂肪分布好平均, 牛肉切得有少少厚度, 咬落有口感之余亦充满浓郁的牛肉味, 如果唔系叫左其他野食, 真系好想叫多碟黎食… 3. 雪花肥牛粒 – 原本对呢个好有期望, 点知反而口感同肉味都唔及手切肥牛, 我觉得 “厚福馆” 的肥牛粒做得比佢出色好多…4. 日本萤光鱿鱼 – 好得意, 原本细细只, 但系一烚起黎个身会立即变得胀卜卜, 装住满满的 “羔” (其实唔知系咩黎), 如果烚得太耐, d羔更加会走晒出黎…d
今年系第一次同男友过年, 我地亦都差唔多日日都系埋一齐…年初一二都唔系太多舖头开, 冇啖好食…年初三系放假最后一日, 决定食得丰富d…几经辛苦先揾到久仰大名的谦记, 原来已经搬左做楼上舖…一试之下, 果然名不虚傅…
一向大食的我俩, 点了7样野, 哈哈食到捧住个肚走…
1. 酒煮西蚬锅并四川麻辣汤底 – 一向都钟意食酒煮蚬, 估唔到可以用黎打边炉…个锅一送埋台, 香气四溢, 蚬肉亦很嫩很新鲜, 好大只…麻辣汤底亦唔错, 够香够辣, 不过我就唔系太敢由头到尾系呢边烚黎食, 都系蜻蜓点水式点下d辣就算…
2. 本地手切肥牛 – 好好味, 脂肪分布好平均, 牛肉切得有少少厚度, 咬落有口感之余亦充满浓郁的牛肉味, 如果唔系叫左其他野食, 真系好想叫多碟黎食…
3. 雪花肥牛粒 – 原本对呢个好有期望, 点知反而口感同肉味都唔及手切肥牛, 我觉得 “厚福馆” 的肥牛粒做得比佢出色好多…
4. 日本萤光鱿鱼 – 好得意, 原本细细只, 但系一烚起黎个身会立即变得胀卜卜, 装住满满的 “羔” (其实唔知系咩黎), 如果烚得太耐, d羔更加会走晒出黎…d羔会有少少腥, 不过味道又几特别, 唔怕腥的话值得一试…
5. 澳洲雪白带子 – 唔使讲, 够新鲜既一定好味, 而且好大只, 好似出面珍宝带子寿司的size, 好满足…
6. 腐皮牛肉卷 – 系金菇牛肉卷同腐皮牛肉卷之间拣了后者, 估唔到味道咁好, 厚厚香脆的腐皮, 包住用免冶牛肉搓成的涵, 只要轻轻烚一烚, 加埋d汤汁一齐食, 牛肉味一样系咁浓郁好味…
7. 四宝丸 – 有牛, 猪, 虾同墨鱼丸, 份量虽然小又细粒, 不过样样都好弹牙又新鲜, 认真好味…
8. 唐好菜 – 配酒煮汤底, 梗系宁舍好味…
好开心好满足的一餐, 之前揾极都揾唔到, 揾到之后又唔肯定系咪呢间, 好彩最后我地都胆粗粗试左, 如果唔系就走宝lu…
张贴
