御名園

营业中

休息中

去左碧海南天探朋友，懒得煮饭关系，朋友带左我落去aeon 入面既御名园食晚餐。 呢间酒楼地方宽躺， 食物又有水准，住附近朋友有口福😍😋秋葵高山猫耳朵： 用咗醋调味，好开胃，但略嫌秋葵唔够多。炖汤$38.8 一盎， 分别叫左百年陈皮水鸭汤同羊肚菌南北杏炖花胶汤， 2盎都材料丰富，好足料好抵饮，滋补养颜。钟意饮炖汤嘅人唔可以放过 👍🏻香芹野菌炒黑豚肉，镬气小炒，火喉啱啱好，黑豚肉嫩滑但不肥，份量都好足够。清蒸老虎斑， 蒸得刚刚好，肉质嫰滑,蒸鱼豉油调味又岩岩好，而老虎斑肉质又滑又嫩， 最紧要唔多骨😆姬松茸辽参豆腐煲，又系好足料既一道菜， 上枱姬松茸味浓香扑鼻，辽参爽口弹牙，豆腐内嫩滑吸收哂，整体味道多层次及滋味。 最后本身想叫糖水，服务员主动话有番薯糖水送呀🤗好贴心。