影片
更多
2018-02-19
7471 浏览
荃湾不嬲多嘢食，今次就深入三坡坊食心夜来潮。砂锅粥好足料，有姜有蟹有虾有芫茜有蟹膏，每一啖都食到。你会奇怪，蟹膏乜唔系净系喺蟹入边先揾到㗎咩？你冇睇错，蟹膏系其中一样𩠌！粥煲得好绵，值得一提嘅系用嚟装粥嘅器皿好特别，食到最后啲粥仍然系好热！啲虾好大只，超抵食。值得一赞嘅系佢啲虾一早已经剥晒壳，啱晒我呢啲懒人！🙈厨师真系好细心～☺砂锅卜卜蚬煲有大同细两种size拣。叫咗个细size但系一黎——哗！细煲已经咁大，咁大煲咪重大？！啲蚬多到就黎跌出黎！落埋芹菜同啲蚬一齐煲，蚬有芹菜香，同蚬肉嘅鲜味互相辉映。蚬系大大只，一啲都唔同你悭！除左蚬同芹菜，重有粉丝，真系一次过满足你三个愿望呀！啫啫秋葵煲唔止食得重听得！事关一上枱就「啫啫」声，剩系听声就已经feel到温暖。食过灼秋葵、啫啫鸡煲，但就未食过啫啫秋葵呢个配搭啦。见隔离枱嗌，好奇嘅我就梗系要试下啦！秋葵切到细细条，食落口够腍又爽，同咸鱼粒同甜红椒同蒜一齐炒，口腔充满香得过份的咸鱼香～重味嘅咸鱼同淡味嘅秋葵配搭得天衣无缝，咸味被秋葵中和，整体味道不错👍。凉拌鱼皮点埋wasabi食，好似食鱼生咁，爽口有鲜味。手打牛肉球汤底有d蔴酱味，几特别，牛肉
砂锅粥好足料，有姜有蟹有虾有芫茜有蟹膏，每一啖都食到。你会奇怪，蟹膏乜唔系净系喺蟹入边先揾到㗎咩？你冇睇错，蟹膏系其中一样𩠌！粥煲得好绵，值得一提嘅系用嚟装粥嘅器皿好特别，食到最后啲粥仍然系好热！啲虾好大只，超抵食。值得一赞嘅系佢啲虾一早已经剥晒壳，啱晒我呢啲懒人！🙈厨师真系好细心～☺
砂锅卜卜蚬煲有大同细两种size拣。叫咗个细size但系一黎——哗！细煲已经咁大，咁大煲咪重大？！啲蚬多到就黎跌出黎！落埋芹菜同啲蚬一齐煲，蚬有芹菜香，同蚬肉嘅鲜味互相辉映。蚬系大大只，一啲都唔同你悭！除左蚬同芹菜，重有粉丝，真系一次过满足你三个愿望呀！
啫啫秋葵煲唔止食得重听得！事关一上枱就「啫啫」声，剩系听声就已经feel到温暖。食过灼秋葵、啫啫鸡煲，但就未食过啫啫秋葵呢个配搭啦。见隔离枱嗌，好奇嘅我就梗系要试下啦！秋葵切到细细条，食落口够腍又爽，同咸鱼粒同甜红椒同蒜一齐炒，口腔充满香得过份的咸鱼香～重味嘅咸鱼同淡味嘅秋葵配搭得天衣无缝，咸味被秋葵中和，整体味道不错👍。
凉拌鱼皮点埋wasabi食，好似食鱼生咁，爽口有鲜味。
手打牛肉球汤底有d蔴酱味，几特别，牛肉球大大粒，食入口有点黑椒味，好香，唔会好难咬。
潮式炒饭有虾干、葱、炒蛋、冬菇、鱿鱼等等，实在太多料啦，好抵食！最记得系我以为夹果旧系冬菇，点知原来系猪油膏！😹因为猪油膏切到好似冬菇咁呈长方形状，真系比佢fake左！
牙签鸡顾名思义就系用牙签穿住嘅鸡，一口一啖，系爽嘅！点埋酸辣酱食就更滋味啦！
黄金炸馒头四四方方，好得意（唔好问点解，纯粹个人喜好）🙈。点埋炼奶，嗯～系幸福嘅滋味呀～☺馒头炸到外皮好脆！热气？唔理啦，食左先算！
心夜来潮有圆枱又有方枱，要大张有大张，要细张有细张，心血来潮一班人黎食又得，同男女朋友拍住拖黎食又得，得左。菜式选择又多，普通如家常便饭小炒到铁板都有。装修摆设都有股古代中国风，小至枱面嘅牙签筒、餐牌到墙上嘅中国结同天花上嘅灯饰都充满中国特色。值得一赞嘅系每张枱上都放有面纸，好贴心，最啱我呢d成日唔记得带纸巾嘅人呀！
张贴
