稻神食堂

营业中

休息中

天水围最近因为有个新楼盘变得热闹多人 而且商场都多咗好多 今次去到呢间食港式餐厅嘅 间舖头好新 所以入边都好干净环境好靓入到去叫咗红烧牛筋菜饭 真系估唔到几十蚊竟然足足有六七旧牛筋 仲要系大大嚿 非常之入味而且炆得好琳 仲有上海菜饭 个质素一啲都唔差过出边一啲传统上海舖头秘制美国黑毛猪煎蛋饭 烧得好靓而且用黑毛猪整嘅叉烧特别好食 因为佢够厚身 加上足足有三只蛋用嚟蛋汁捞饭真系一流我哋仲加咗个香酥杂菜饼同埋芝麻单骨鸡翼 杂菜饼好大份㗎 不过就油腻咗少少但系入边啲杂菜有红萝卜洋葱丝都好好味 鸡翼炸得好香脆 抵食再叫多个鱼腐小棠菜 食咗咁多肉食返个菜平衡下嘢饮仲有柠檬薏米水 呢个天气饮真系一流 劲解渴同埋去湿