囍串

营业中

休息中

今日放咗工就同朋友喺元朗行吓，就比我哋见到呢一间几隐世嘅串烧舖头。入边嘅装修都几有个人风格，有好多得意嘅句子同埋一啲灯牌，有心思。店舖唔算细，都可以坐到几十人。一场嚟到，梗系要叫一堆串烧先。我哋嗌咗好几款，肉类嘅就包括有鸡髀肉，牛柳粒，鸡中翼，厚切牛舌同埋猪颈肉。猪颈肉超级Juicy，肉质仍然保持爽口细致，一啲都唔会干柴。以烧烤嘅方式烹调，令到猪颈肉外层焦香，加埋调味，食落好香口。鸡髀肉唔干得黎仲保持到肉汁。牛柳粒有秘制酱汁腌制，食落去好惹味同啲牛一啲都唔韧。鸡中翼外皮烧得卜卜脆，入边嘅鸡肉仍然保持到嫩滑。厚切牛舌真系厚切，大大份，食落去充满着牛脂香。至于蔬菜方便，我哋就嗌咗烧菠萝、韭菜同埋茄子烧菠萝好出色，一咬入口，即刻爆晒菠萝汁出嚟，非常之甜 ，好钟意。韭菜大大份，加上孜然粉等调味，唔错。烧茄子好震撼我，好大份。仲要烧得啱啱好，保持到茄子肉嘅湿润，加埋啲蒜同其他调味料，食到我停唔到口。最后我哋亦都嗌咗一份麻辣蚝仔粉丝煲。入边嘅蚝仔一啲都唔吝啬，俾得好多。啲蚝仔都大大粒，新鲜。个麻辣味好香口，啲粉丝索晒味，再加啲娃娃菜同豆卜，好惹味。成餐饭我哋都食得好满足，无论系串烧定系其他熟食，都