影片
更多
2016-06-01
150 浏览
上星期5同友人黎到筲箕湾东大街食串烧，唔知食咩，系无意间见到远方有张banner所以行上去。呢间烧烤店好多人，但净系见到一个楼面走黎走去，入到去刚好有人卖单。个女侍应好好人，仲介绍我地第1次黎要试咩，不过见佢好忙，同我地倾1阵就要行1行开出餐出啤酒最后我地叫左烧马友，侍应话1定要点泰汁食，因为佢地自家制，果然无介绍错芝士洋葱烟肉焗元贝，时价，个日卖紧58 1只，本身觉得有点贵，但侍应极力推介话厚肉超新鲜，话佢自己坐低必点。于是就叫左2只，又真系无介绍错！好好味，满满既芝士系面，好邪恶另外我地话好中意食羊架，本身想食秘制烧羊架，但女侍应话我地人多，可以叫份宝云苏羊架，人少先叫秘制羊架，因为西式既一定系一份四件。于是我地听佢讲，仲拣左5成熟，上到枱，红红既羊架，有芥辣味，有沙律菜，底有蕃茄仔同薯仔，仲有个绿色既酱点，侍应话系薄荷乳酪，试一试，偏甜而且就咁食件羊架已经好够味唔洗点汁。其他既有蒜蓉茄子，芝士露荀，烧鸡皮，翠玉瓜，蜜糖鸡翼，多春鱼，安格斯，有样一定要试！厚切牛舌芯，哇超好味啊！全部都系女侍应介绍，基本上佢介绍边样就叫边样。最后叫左2件黑糖菠萝做尾声！一定会再黎！侍应仲叫我地下次黎
个女侍应好好人，仲介绍我地第1次黎要试咩，不过见佢好忙，同我地倾1阵就要行1行开出餐出啤酒
最后我地叫左烧马友，侍应话1定要点泰汁食，因为佢地自家制，果然无介绍错
芝士洋葱烟肉焗元贝，时价，个日卖紧58 1只，本身觉得有点贵，但侍应极力推介话厚肉超新鲜，话佢自己坐低必点。于是就叫左2只，又真系无介绍错！好好味，满满既芝士系面，好邪恶
另外我地话好中意食羊架，本身想食秘制烧羊架，但女侍应话我地人多，可以叫份宝云苏羊架，人少先叫秘制羊架，因为西式既一定系一份四件。于是我地听佢讲，仲拣左5成熟，上到枱，红红既羊架，有芥辣味，有沙律菜，底有蕃茄仔同薯仔，仲有个绿色既酱点，侍应话系薄荷乳酪，试一试，偏甜而且就咁食件羊架已经好够味唔洗点汁。
其他既有蒜蓉茄子，芝士露荀，烧鸡皮，翠玉瓜，蜜糖鸡翼，多春鱼，安格斯，有样一定要试！厚切牛舌芯，哇超好味啊！全部都系女侍应介绍，基本上佢介绍边样就叫边样。最后叫左2件黑糖菠萝做尾声！
一定会再黎！
侍应仲叫我地下次黎一定要book枱，因为呢个月佢地连闲日都会爆booking！仲俾埋卡片我地
食物好！服务好！价钱中等！5人行人头饮埋酒都系250蚊！
有样好抵赞，就系虽然成间店得1个侍应，见佢好忙，但仲好有心机介绍我地点菜，好好心机，系咁烦住佢都无托手踭，佢仲同我地倾闲计话平时多数都得佢1个，又话头先唔好意思，倾倾下要走开去，见佢个样恶恶地，估唔到又几friendly希望老板请多个人帮佢啦，见佢真系不停做无停手。
临走前，佢仲同我地讲下次会再介绍其他好野俾我地！
张贴