影片
更多
2019-07-29
39 浏览
听朋友讲大埔有一间西餐厅好有水准， 所以今日趁早少少收工就入到大埔准备试一试佢哋嘅食物。 餐厅距离太和火车站都有一段路程，所以我同朋友选择左搭的士去。 一落车就见到有一间装修得非常有格调嘅餐厅， 佢哋舖头入面佢哋舖头入面采用咗暗黄淡光，非常适合情侣又或者一班好朋友入去倾密偈友。 呢间餐厅嘅装潢， 可以拍得上中环苏豪区任何一间出名嘅酒吧餐厅。我同朋友坐低之后，打开餐牌。 嘢食嘅餐牌有两份四版，主要分pizza，汉堡，主食，沙律和小食， 仲有非常推介嘅意大利饭和意大利粉。 嘢饮方面，惊喜嘅系佢哋有提供日本酒，亦都有一啲自家创作嘅鸡尾酒。 最后我哋挑选了三个食物， 分别系避风塘鸡翼， 美国安格斯牛肉煎蛋芝士烟肉汉堡伴薯条同埋 鱿鱼西班牙辣肉肠烧南瓜法边豆咸蛋黄意大利饭伴轻煎北海道带子。 嘢饮方面拣咗佢哋自家嘅鸡尾酒分别系My cup of tea 同King can.避风塘鸡翼 ($88)呢味菜非常有惊喜，估唔到系一间酒吧西餐厅亦都食到一啲中式风味嘅炸鸡翼。 而且佢个避风塘配料炒得非常有水准，香口而且不太辣， 做第一道菜亦好开胃， 比起平时你喺酒吧嗌普通水牛城鸡翼或者蜜糖鸡翼更加有新鲜感。
听朋友讲大埔有一间西餐厅好有水准， 所以今日趁早少少收工就入到大埔准备试一试佢哋嘅食物。 餐厅距离太和火车站都有一段路程，所以我同朋友选择左搭的士去。 一落车就见到有一间装修得非常有格调嘅餐厅， 佢哋舖头入面佢哋舖头入面采用咗暗黄淡光，非常适合情侣又或者一班好朋友入去倾密偈友。 呢间餐厅嘅装潢， 可以拍得上中环苏豪区任何一间出名嘅酒吧餐厅。
我同朋友坐低之后，打开餐牌。 嘢食嘅餐牌有两份四版，主要分pizza，汉堡，主食，沙律和小食， 仲有非常推介嘅意大利饭和意大利粉。 嘢饮方面，惊喜嘅系佢哋有提供日本酒，亦都有一啲自家创作嘅鸡尾酒。
最后我哋挑选了三个食物， 分别系避风塘鸡翼， 美国安格斯牛肉煎蛋芝士烟肉汉堡伴薯条同埋 鱿鱼西班牙辣肉肠烧南瓜法边豆咸蛋黄意大利饭伴轻煎北海道带子。 嘢饮方面拣咗佢哋自家嘅鸡尾酒分别系My cup of tea 同King can.
避风塘鸡翼 ($88)
呢味菜非常有惊喜，估唔到系一间酒吧西餐厅亦都食到一啲中式风味嘅炸鸡翼。 而且佢个避风塘配料炒得非常有水准，香口而且不太辣， 做第一道菜亦好开胃， 比起平时你喺酒吧嗌普通水牛城鸡翼或者蜜糖鸡翼更加有新鲜感。 鸡鸡翼上菜时亦非常热辣辣和脆卜卜。🤤🤤
美国安格斯牛肉煎蛋芝士烟肉汉堡伴薯条($128)
汉堡在香港受欢迎嘅程度， 实在唔需要我喺度再强调。 但系呢间餐厅嘅汉堡绝对系我今晚最喜欢的一道菜， 可以话佢比最近喺香港新开两间火热汉堡连锁店嘅汉堡包更为好味。 我自己我自己本身食汉堡非常著重包同埋𠮶块扒。The right place 呢个招牌汉堡包可以俾你选择安格斯牛汉堡煮到几成熟， 我选择了五成熟，一口咬下嘅时候啲肉汁非常美味，就好似你喺高级餐厅食牛扒一样。 而且佢嘅包焗得啱啱好，亦都不会有搽上太多嘅牛油令到饱身变淋。 佢哋亦都冇喺汉堡包落过多抢味嘅酱汁，钟意食原汁原味牛肉汉堡嘅朋友一定要试呢一个汉堡。
鱿鱼西班牙辣肉肠烧南瓜法边豆咸蛋黄意大利饭伴轻煎北海道带子($198)
意大利饭亦都系呢间餐厅嘅招牌菜。 今次我试呢个菜佢加咗咸蛋黄，同普通出面食开传统嘅意大利饭比系有新鲜感， 但系略嫌喺饭中加上太多配料。 个意大利饭本身煮得好好味，假如可以减少少少配料应该会更加好食。
My cup of tea ($94)
Kingcan ($62)
最后简单评价两杯鸡尾酒，佢哋嘅调酒师非常慷慨，两杯鸡尾酒入面喝到嘅酒精应该比出面嘅高。 味道亦比较新颖同埋特别，钟意饮酒嘅人可不妨一试。
总括而言呢间餐厅畀我嘅感觉系一间非常舒服价钱合理但水准高嘅酒吧西餐厅， 入面嘅菜式亦都非常有惊喜和好味， 假如经过附近可以再去食。
张贴
