影片
更多
2014-10-21
2401 浏览
友人前2日经过见到, 原来有间新开既韩国烤肉店,仲要10月会有7折优惠,所以立即组团去试下。前一日订位都无问题,可能仲系好新既关系啦,哈哈。首先,酒类唔多,谂住叫住啤酒先啦,但原来未有酒牌,所以可以自带酒水。附近得间seven,所以无得买烧酒,啤酒呢…连青岛都比人买哂,所以想饮韩国走既话,最好买定先黎啦~~最后唯有买日本啤XD我地3个女仔, 叫左3份肉,一个嫩豆腐锅,真系食得好饱。食烧肉我地通常都唔会食得好饱,因为贵贵地…今次见到价钱都唔贵,仲要有7折…所以就食得几多就叫几多,都唔理埋单几钱啦介绍下食物啦~~1.护心肉最近韩国烧肉有几间都主打护心肉, 我真系好钟意食。虽然系猪肉,但口感有点像牛肉, 韧韧地。护心肉有两款可选,原味/调味。我地拣左原味,因为见到调味好似加左d葱,好似怪怪地咁,所以都系试下原汁原味。但其实都有腌过,甜味较多,好入味。好容易烧浓,大家要小心~2.烤五花肉烤五花肉亦有得选原味/调味。今次,我地想试下调味,因为见到相,调味系橙橙地色,好似有d辣辣地,所以就试下。食过咁多烧肉,呢度既厚度算系比较厚,咬落啖啖肉。我平时唔钟意食肥膏,但都觉得几好食,用生菜包住比较易入口
前一日订位都无问题,可能仲系好新既关系啦,哈哈。
首先,酒类唔多,谂住叫住啤酒先啦,但原来未有酒牌,所以可以自带酒水。附近得间seven,所以无得买烧酒
,啤酒呢…连青岛都比人买哂,所以想饮韩国走既话,最好买定先黎啦~~最后唯有买日本啤XD
我地3个女仔, 叫左3份肉,一个嫩豆腐锅,真系食得好饱。食烧肉我地通常都唔会食得好饱,因为贵贵地…今次见到价钱都唔贵,仲要有7折…所以就食得几多就叫几多,都唔理埋单几钱啦
介绍下食物啦~~
1.护心肉
最近韩国烧肉有几间都主打护心肉, 我真系好钟意食。虽然系猪肉,但口感有点像牛肉, 韧韧地。护心肉有两款可选,原味/调味。我地拣左原味,因为见到调味好似加左d葱,好似怪怪地咁,所以都系试下原汁原味。但其实都有腌过,甜味较多,好入味。好容易烧浓,大家要小心~
2.烤五花肉烤五花肉亦有得选原味/调味。今次,我地想试下调味,因为见到相,调味系橙橙地色,好似有d辣辣地,所以就试下。食过咁多烧肉,呢度既厚度算系比较厚,咬落啖啖肉。我平时唔钟意食肥膏,但都觉得几好食,用生菜包住比较易入口。味度明显同护心肉既腌料唔同,但都好好味,我最钟意韩式果d甜甜既味道。
3.烤猪排骨肉其实本身都唔知系乜野,只系睇相觉得好似几好食咁,所以就叫啦。D肉好厚,要慢慢烧,同埋要早D剪到细粒D,会好烧D。因为肉较厚,同埋又腌左,味道较重口味。不过我系钟意重口味,所以我都仲接受到,而且咁样一啖咬落去仲好有口感,好JUICY。
4.嫩豆腐汤
其实间间个样都系差唔多,但呢间好好味,我都唔知点形容。朋友唔食得辣,但呢个都食到㖞,因为唔系好辣果种。材料都系鸡蛋、豆腐果D架啦, 但竟然有牛肉粒,真系比较少见。另跟一碗白饭。
桌上有洋葱、一碟有D菜既前菜(我无掂过所以唔知系咩)、大蒜、青辣椒同豆瓣酱(我的最爱)、3色酱(黄豆粉、平时韩国一盒盒果种辣酱、似麻油)仲有,每人都有一个碟用黎装野食,但上面亦有酱汁,甜甜地咁,但我唔太钟意,所以我通常直接点完豆瓣酱就食。
7折后每人$120,真系好抵,立即组团再黎多ROUND先,迟D多人识就无咁多机会啦~
题外话/补充资料：
1每碟肉都会跟D瓜同菇类
2同友人都觉得,美中不足既系竟然无泡菜供应。
3如果个炉浓浓地,所以同佢地讲,佢地会比旧萝卜你擦干净同吸油,唔洗下下换炉
4唔会烟雾弥漫,不过实会有味
(以上食记乃用户个人意见 , 并不代表OpenRice之观点。)
张贴
