相馬日式火鍋 (已結業)

同个好耐冇见,而又冇乜主见嘅朋友食饭,就去左荃湾出名多嘢食又出名排哂队嘅大鸿辉揾食。见呢间相马日式火锅新新地, 价钱又合理,就决定试试佢。 由于时间尚早,仲要系星期二, 暂时冇乜人。一入到场, 侍应哥哥安排我地坐近窗边。虽然荃湾市中心唔叫有靓景,但位于高层周边又冇高楼阻隔,睇住个景食住饭都好开心好RELAX…..90分钟放题, 我地拣左美国特选牛肉。 汤底都好多选择有泡菜、清汤、中华辣汤、蕃茄、豚骨….我地最后拣左豚骨汤底。汤底仲未到即时去拣嘢饮先, 选择劲多:肥仔可乐同ZERO都有,仲有无糖绿茶…但唔见有啤酒, 就系呢个时候俾我见到隔离饮紧啤酒,就问问侍应哥哥。原来啤酒都任饮,唔洗加钱,但要问佢地拎先有…啤酒都任饮…正呀!!汤底同牛,豚肉,鸡肉一齐上…牛肉色泽新鲜….由于太肚饿…汤底未滚,朋友已经车哂D 菜入去煲汤咁。汤底味道好好,够哂味。蔬菜吧其实都好多菜可以任夹…皇帝菜,菇,连花生菜同羽衣甘蓝都有..俾个LIKE…… 午餐肉都有…食左两转添 最后,挂住食…放弃影相 由于食到太饱,雪糕都食唔落。下次黎要试埋雪糕。