大勝豬扒清湯腩

营业中

休息中

老公拍板，今次佢拣左呢间大胜猪排清汤腩（九龙湾名物）外卖，个名就好似好劲，食过先知。的确，一打开既感觉系，好大份😂😂😂，老公点左个大胜猪扒煎蛋饭（64蚊），带两大块烤猪扒同一只煎蛋，有少少鼓油伴饭，如果有埋少少葱花就更理想，不过唔紧要，胜在猪排真系炸得好松软，而肉质又保持到嫩滑，加上少少鼓油配埋个煎蛋送饭真系一流。我就叫左个香煎鸡排米线配酸辣汤（56蚊），鸡排切件完都有成8大块，鸡排两边煎得金黄，唔会过火，鸡扒一d都唔会鞋口，重好嫩滑，唔会有雪藏味，但个汤就比较失色少少，虽然佢有大量既酸菜，但欠缺左辣味，呢样扣左少少分，但整体黎讲好算满意收货，可以回头帮衬既。