炑八韓烤 (MegaBox) (已結業)

疫情下太太太耐冇出街食， 今日同个旧同事九龙湾揾食。 Patpat痕， 想食烧肉， 就你啦， 系地下果层揾倒呢间韩烧。门口有人排队， 唔通有特价？？🤔得6，7个人排， 排下啰。 5分钟唔洗就入左坐。 （ 原来系午市刚刚开， 安排客人入坐需时， 入到去唔太full。) 本来两个大男人想食午餐set 算， 不过咁咁耐冇出街食， 不如食好啲叫个午市烧肉二人前。😅最平果个488未加一同唔包野饮， 不过有牛（两件雪花牛， 牛肋骨, 牛扒等l， 猪， 同 原只八爪鱼(有点惊喜), 仲有沙律， 大量菜， 加泡菜任添。🤤 慢慢烧1点唔够烧到3点， 真系当揾个地方食下吹下水都ok。叫左两柸野饮加埋一568 落楼， 食得好满足， 夜晚都唔洗食啦(走小小菜赎罪) 。