柴門西餐廳

营业中

休息中

有事去一转柴湾，又遇著食晏时候，想喺柴湾食得舒服又有质素保证，我剩系谂到柴门。点咗煎焗西班牙黑毛猪肩肉配红酒汁 set lunch。之前食咗前菜先（值得一提系餐前面包都系餐厅自己烘焙），热辣辣o既食物都系美好的，无论面包（烘到脆）定系西汤都热得恰到好处。其实我想食柴门唧法式油封鸭腿，可惜太受欢迎一直缘悭一面，唯有再次先啦。主菜到，只碟系暖笠笠，原本以为猪肩肉咪又系一块猪肉，我实在太爱个皮，佢整到好香好脆，好似炭火烧过咁。我一向钟意食柴肉，唔钟意食肥，块猪肩肉有少少肥，但好味，食落爽口，而且够厚好咬口。可惜因为赶住走，无机会嗌埋点品，下次补番。