御前牛盛日式涮涮鍋 (已結業)

bk左7点半，一去到就可以入座啦。店铺装修都算试正，卡位够阔落可以摆到好多野食🙆🏻点餐纸有好多款，出面仲有好多唔同热食、冷盆同丸类比你自己拣😚😚有一系列酱汁系台面比你自己调味，有辣酱 麻酱 指天椒 芫茜 葱花 酱油汁 蒜泥汁。麻辣锅。有花椒 八角 辣椒干等等，中辣已经好够辣，仲有小小辣到难入口。我就好欣赏佢嘅冷盘！烟三文鱼沙律。有番茄、烟三文鱼、生菜等等，配埋我最爱嘅麻酱无得弹！番茄同生菜都好新鲜，食落索索声，三文鱼又好足料，切得好大旧。泰式辣凤爪。凤爪爽口弹牙，个汁酸酸甜甜好开胃，夹埋d青瓜丝同红萝卜丝口感仲丰富🤤螺肉就不过不失啦，都系街外食到嘅感觉。而猪耳都几爽口，个汁都ok辣。不得不提个寿司！出面摆左好多各式各类嘅寿司，摆盆劲靓，我都忍唔住手拎左2件。三文鱼寿司油脂分布平均，好好食。刺身拼盘。叫左甜虾、三文鱼、虎虾、蟹柳、剑鱼、鱿鱼等等。刺身普遍几新鲜，啲虾都几鲜甜，鱿鱼就好有咬口啦，蟹柳都几好。