Good One Sushi 壽司刺身專門店

营业中

休息中

平时食lunch都会行过，但因为冇得坐所以冇食过。上上星期farewell同事，老细肯资助，即刻搞寿司到会啦，板x太贵，谂住试下呢间，结果喜出望外㖞！首先订左个花之恋盘(个名唔记得左，我自己作)。真系好好好靓！ 唔使食都开心同同事疯狂拎黎影相呃like跟住有刺身拼盘，哗个枫叶又系劲有心思，而且全部刺身都好新鲜，质素好高，完全觉得抵到烂特别系油甘鱼，因为唔钟意皮我平时好少食，但呢个油甘鱼实在太鲜甜喇，忍唔住食左几块，结果比同事闹。其他寿司都好好味(其实唔止图中呢盘，但因为同事饿鬼咁，我唔执输影左几张就开始食)。除左带子，其中我最欣赏甜蛋。好多人都觉得蛋唔抵，但从蛋可以分得出果间寿司铺咩质素。以我咁多年食甜蛋既经验，我相信d蛋应该系自己整而唔系入货，正！食过返寻味，上星期都返左外卖返公司自私食，试左海胆手卷同寿司，质素依然稳定，又抵，揾到呢间野实在太开心喇！