Casa Di Thali (已結業)

呢排病到口淡淡，想食D有味D嘅食物，系奥海城行完街，揾到呢间由印度人主理嘅印度+西式菜，于是决定入黎买外卖返屋企一试，一试之下，点知好有惊喜，值得同大家推介呢日我地叫左个Parma Ham Pizza（$118）、Squid Ink Chittara（$128）、Tikki Chaat同埋Chocolate Tiramisu（$45）。个Parma Ham Pizza份量好大，当中嘅巴马火腿咸香味浓，而整个饼底烤得金黄，配上芝士批边及火箭菜衬底，口感丰富，十分美味。至于个Squid Ink Chittara，除了墨鱼汁外，亦以香浓嘅蕃茄酱衬底，意粉都好弹牙，口感丰富。我个人好钟意个Tikki Chaat，佢系将自家制嘅乳酪酸辣酱同蕃茄酱放系一个煎咗嘅薯蓉鹰嘴豆饼上面，然后再系上面洒上脆脆，鹰咀豆健康又美味，整体酸酸地又味浓，都几开胃之余，口感极具层次。最后享受埋个Chocolate Tiramisu，佢唔会太甜，质地又唔会太淋，食完味浓嘅食物，再食返呢个清清地嘅Tiramisu，感觉完全岩岩好~~Casa Di Thali地址：大角咀海庭道8号富荣花园二期地下57号舖