炊豕店 (威靈頓街) (已結業)

今日去咗「炊豕店」位于中环威灵顿街分店食lunch，店舖唔算好大，目测有大约3x位左右，枱与枱之间有用隔板相隔，防疫措施做得足👍🏻「炊豕店」顾名思义就梗系主打猪肉类食材啦，餐牌都仲有几款小食，例如：炸鱼蛋、冻豆腐等可选择。由于系第一次嚟食所以就拣咗人气推介「葱油猪扒饭」，如果自知食量唔大嘅就建议叫少饭，唔会浪费食物之余仲可减$1。葱油猪扒饭 （$64）少饭 （-$1）加炒滑蛋 （+$10）猪扒饭份量十足，块猪扒真系有成块面咗大，炸粉嘅皮好薄而主角厚切猪扒就处理得好稔，上台嘅时候已经贴心咁切好哂，方便进食。另一个主角炸葱油堆满系猪扒山上面，唔好睇佢好似好油腻咁，食落又无哩个感觉㖞，反而系画龙点睛，用佢嚟送饭简直一流，而加点嘅炒滑蛋就有少少过熟咗。