幸亭拉麵 (已結業)

一个人的晚餐都唔知食咩好，拉面系我最爱之一食多多都唔驹，睇埋OPENRICE食评就去试下。以拉面为主，供应黑胡麻、猪骨汤、地岳、味噌、黑蒜油等拉面，配料有叉烧同豚角煮 (五花腩)、糖心蛋、粟米、木耳、椰菜同葱花。我点了黑胡麻拉面，面条OK，软硬适中，粟米过分小量，食到底先发觉原来系有几粒粟米；椰菜软身带甜，木耳爽口；重点嘅汤有少少失望，唔够香，好在够热，否则更加油腻。食完之后觉得好口渴，可见调味重手，要好好考虑改良个汤底。主要配料叉烧同豚角煮 (五花腩)味道适中，肥瘦肉交杂，肉质可口，同个汤好配合。亮点仲有系糖心蛋好甜好有蛋香，非常惊喜！另外试左明太子鸡翼，足料明太子，但个鸡翼唔太新鲜，肉质偏干而且唔够香脆，可以改善！是次选择坐喺后巷的位置，几有风味。服务员专业有礼，抵讃！