三星台菜食堂 (已結業)

湾仔行完书展喺附近揾晚餐食，经过一间有文青风格嘅台湾菜，主要系食牛肉面，甘啱冇乜人排队，就决定试一试。店铺比较细，但装修摆设好靓，而且店里播著周董既歌，整个感觉好舒服。面款式唔多，拣咗今日推介，系花雕三星牛肉面。面嘅份量颇大，𩠌有牛展、牛筋、牛肚，面拣咗冬粉同要葱。花雕汤底浓郁，有杞子及少少药材味，味道真的很不错！枱上有酸菜及辣椒酱可以自行加配，酸菜甜甜酸酸令整个面更加美味，十分开胃，追加溏心蛋。小食叫左炸卤大肠，邪恶又好味的小食，大肠炸得干脆，另外洒上生蒜同椒盐，十分惹味。