8090 好時光 (已結業)

天水围呢个新商场装修后原来好多新餐厅！睇完台湾戏之后都好想食台湾野，咁岩比我发现呢一间8090好时光！一于去食返餐以解相思台湾之苦。呢度主要食台湾面同饭为主，选择不多，但台湾就是简简单单就足够。仲有少少小食可以选择。如果比较多人可以选择套餐。下午茶时间不太饿，我哋选择咗要一份卤肉饭，卤肉饭餐还送上一份灼菜同埋小食！10分均衡。灼菜灼得入味，有少少蒜香嘅味道，很淋！卤肉饭令人胃口大开，我们都不敢一口接一口吃不停。呢一份系切断了椒盐排骨，椒盐排骨炸得酥香，好惹味！骨肉相称，用来送饭真的不错。水果茶体积十分庞大！足够二人分享。内里有大量新鲜生果，茶味好香！但最值得一赞系呢一个杨枝甘露！芒果味浓郁，不太甜，好滑！内里有大量芒果肉同埋柚子肉， 分量十足！另外芒果凉粉亦都好不错！吃完透心凉！凉粉弹牙qq!!可能因为下午茶不太肚饿关系，个人认为甜品更胜主菜！期待下次晚餐再来光顾， 试一试其他面食或饭。