影片
更多
2017-05-19
228 浏览
早前同同事经过呢间店，发现系新开的餐厅，而且有多款鱼生饭选择，价钱亦算比起同类相宜，于是就话不如揾日来试吓！今日揾埋隔离department 个靓仔终于得闲同我地一齐过来共享午餐！＄100都唔使嘅价钱，就可以食到呢个月见和牛丼，性价比十分之高！首先卖相已经十分之吸引，其实见到佢张相觉得好靓，但又会心里面以小人之心咁样谂佢，到时都唔知有冇咁多牛肉嘅啫，而且好多时图片与实物不符…… 但系出到来嘅结果真系叫人惭愧，劲多片牛肉之余，陈切摆法都系劲靓：咁多片牛肉好似花瓣嘅形式铺在饭上面，每一片嘅厚薄一致，真饭靓过上镜！牛肉的脂肪同肉的分布纹理好细密，烧牛肉的火候都掌握得十分之好，每片牛肉都系最外层够熟，中间留返少少raw不过熟所以好juicy，牛肉的肉质食落几爽口，又香牛味。每一啖牛肉饭，一咬落去牛肉的时候，除了牛肉的香马上溢出来，同时少少牛脂渗到舌头上，真系淡淡精彩！牛肉嘅香当然系灵魂所在，但系其上的其他食材都发挥紧佢哋嘅影响力，包括中间个温泉蛋，由于温泉蛋半生熟的关系，沾了蛋的牛肉更添了一层蛋香同滑滑的口感， 上面有木鱼碎，饭面的少少紫菜吊味，加埋葱粒，芝麻，佢哋为呢一个牛肉饭带来更加升华的
早前同同事经过呢间店，发现系新开的餐厅，而且有多款鱼生饭选择，价钱亦算比起同类相宜，于是就话不如揾日来试吓！今日揾埋隔离department 个靓仔终于得闲同我地一齐过来共享午餐！
＄100都唔使嘅价钱，就可以食到呢个月见和牛丼，性价比十分之高！首先卖相已经十分之吸引，其实见到佢张相觉得好靓，但又会心里面以小人之心咁样谂佢，到时都唔知有冇咁多牛肉嘅啫，而且好多时图片与实物不符……
但系出到来嘅结果真系叫人惭愧，劲多片牛肉之余，陈切摆法都系劲靓：咁多片牛肉好似花瓣嘅形式铺在饭上面，每一片嘅厚薄一致，真饭靓过上镜！
牛肉的脂肪同肉的分布纹理好细密，烧牛肉的火候都掌握得十分之好，每片牛肉都系最外层够熟，中间留返少少raw不过熟所以好juicy，牛肉的肉质食落几爽口，又香牛味。
每一啖牛肉饭，一咬落去牛肉的时候，除了牛肉的香马上溢出来，同时少少牛脂渗到舌头上，真系淡淡精彩！
牛肉嘅香当然系灵魂所在，但系其上的其他食材都发挥紧佢哋嘅影响力，包括中间个温泉蛋，由于温泉蛋半生熟的关系，沾了蛋的牛肉更添了一层蛋香同滑滑的口感， 上面有木鱼碎，饭面的少少紫菜吊味，加埋葱粒，芝麻，佢哋为呢一个牛肉饭带来更加升华的味道层次！
同事食的油甘葱吞鱼籽丼，真系成个蛋糕咁靓，一片片的油金鱼几厚身，上面仲有打到滑滑的吞拿鱼。
张贴
