吉豚屋吉列豬扒專門店

营业中

休息中

同先生行鱼街，半途肚饿决定食个下午茶，本来想食车仔面，行到去先发现冇开门，揸唔定主意嘅我哋拣咗半条鱼街，最后行入咗呢间吉列猪扒专门店。下午茶选择唔多，价位大概四到五十，价钱唔算平，但尚算合理。下午茶餐嘅吉列猪扒有80克，以呢个价位嚟讲算系大方，配有白饭同面豉汤各一碗同两色酱汁。吉列猪扒外层嘅炸浆炸得酥脆，厚薄适中，猪扒亦够厚，肉质软腍，唔会太干，几有惊喜。泡饭汤底系面豉汤，加上鸡蛋同海苔成为泡饭，虽然简单，但味道唔错。唐扬炸鸡有四件，外脆内嫩，而且咬落带少少肉汁，质素中上，但略嫌细旧咗少少。跟餐饮品有四款选择，我哋拣咗巨峰乳酸特饮，以跟餐饮品嚟讲算唔错。以下午茶嚟讲呢度嘅食物质素中上，虽然要加一，但价钱依然合理，有时食厌咗茶餐厅同车仔面，转下新意思都系一个唔错嘅选择。