富臨薈 (已結業)

𠮶日同朋友去沙田行街，行到晚饭时段大家都想食中菜，咁就去咗富临荟啦！坐低左之后见到枱面有个好特别嘅餐牌，系讲紧圣诞大餐嘅，咁我哋就问吓侍应现在有冇得叫嚟食啦，话叫得咁所以我哋就order个圣诞大餐啦！第一道菜就系红米赛螃蟹饺，个卖相好靓，个红色嘅皮真系好醒神，食落味都唔错，而且都大只嘅第二道菜就系圣诞驯鹿包，个样真系好得意，食落甜甜地都唔错。之后嚟咗两杯圣诞沙冰，颜色好鲜艳红卜卜咁，饮落有香蕉味但系其他味我又唔系咁分得出，但系都OK好饮嘅。再嚟就系有个冰镇鲍鱼圣诞树，呢一个就好惊喜啦，因为个圣诞树真系好靓，啲西兰花加埋啲红椒黄椒同埋少少椰丝上边仲放左啲鲍鱼，完全系一棵圣诞树咁。咁之后就开始上主菜啦，有个海皇龙虾扁意粉，个扁意粉真系好好食嘅，个汁系龙虾汁，捞落啲意粉度加埋龙虾肉，简直系perfect ！咁圣诞大餐梗系唔少得有鸡啦，圣诞餐有原只嘅圣诞烧春鸡，而且只鸡都几大只嘅，原只比你自己食，可以用绞剪剪开又得，自己钟意撕开嚟食都得，而且只鸡热辣辣味道系唔错嘅！最后甜品有映雪白切糕，虽然我其实唔多知佢系乜嘢，但系食落去烟烟韧韧，又唔会太甜，系几好食嘅！