伊太屋 (已結業)

星期五晚，一行三人嚟试下呢间fushion菜。一入到去装修好有艺术气氛，餐厅放满画作同酒，好有情调。- 鱼子酱海胆安格斯牛他他牛肉唔会太碎，保留到口感，配埋面包食一流！- 黄金邪恶软壳蟹配香烧焦糖苹果软壳蟹炸到好松脆，苹果酸酸甜甜可以中和咸蛋黄腻感。- 香烧海陆空惊喜宝盒个宝盒一上枱好有心思，好有海洋寻宝嘅感觉。呢个宝盒以烧海鲜为主，浓郁鲜味，而且香气四溢。但反而个牛排最惊喜，肉质juicy，外皮仲有少少脆。- 脆软杂莓忌廉芭菲，免焗红莓芝士蛋糕，椰子朱古力慕丝个人比较喜欢椰子朱古力慕丝，慕丝绵滑，配子椰子蛋白好清新。总结呢间餐厅食物质素几好，地点都方便，仲有好多酒拣，可以同朋友同事放工嚟chill吓。