Ilis (已結業)

呢晚同朋友嚟试下新开既餐厅，餐厅虽然唔太大，但感觉舒适。叫左二人套餐。抹茶latte有渐变色望落好靓，但饮落非常苦，加左糖浆苦度依然太高。朱古力latte同样有过苦既情况，浓到太高，难以入口。水牛芝士配紫苏梅番茄冻就唔错，香浓既芝士加上弹滑带酸既果冻，好清新。法式焗田螺底下薯蓉软滑，田螺都几多而且冇沙。磨菇汤黑椒味偏重，盖左磨菇既香味，但整体都几滑。Parma ham沙律沙律菜新鲜爽脆之余，火腿油润软滑，配上香浓既芝麻酱，唔错。松露杂菌烩饭本来以为系意大利饭，原来唔系，用上长米既饭煮得比较湿淋，口感一般，但菇味都几浓。慢煮牛柳配大虾就唔错。牛柳淋滑有鲜味，生熟刚好，酱汁恰到好处；大虾亦爽弹鲜甜。甜品要左朱古力心太软同焦糖炖蛋。心太软外脆内软，朱古力味浓郁；焦糖炖蛋面够脆，里面软滑。甜品反而有惊喜，其他有待改进，希望小店继续努力。