影片
更多
2018-11-15
40 浏览
以前谂起湾仔啲酒吧，都会即刻联想到喺骆克道𠮶边、有菲律宾姐姐侍应𠮶种老土酒吧。前两日同同事吹开水，佢哋讲起原来而家近合和𠮶边有好几间好似SOHO嘅型格酒吧，所以今日放工同女朋友行开去𠮶边就顺便去饮杯野。拣咗呢间叫Kong 既bar 系见佢嘅格局casual啲，又似bar又似bistro 咁，可以睇下有咩好野食。门面用灰色调够舒服，加左啲黄色铁櫈又即刻成个感觉young返。所以见到喺入面既客人都以年轻人为主。一入去，一班店员都好热情，又推介左几款小食建议我哋试。攞起个Menu都觉得几有趣，个封面系曾灶财𠮶啲皇帝式嘅字，而且好多饮品同食物都玩好多广东话嘅食字。好似女朋友拣个杯咸+0🤣听个名都好笑，落order时听个鬼仔repeat order时仲好笑！不过话时话，杯咸+0都几好饮，少量vodka加埋咸柑桔水、少少姜汁同青柠mix埋几夹。嘢食我哋就拣咗佢推介嘅葱油饼，佢建议拣最少一款dip食，我地就拣左佢推介既士多啤梨乳清干酪。个葱油饼一上枱嘅时候又香又热又脆，加埋啲葱嘅香味已经好好食！再点埋个dip更加系绝配👍🏼个乳酪底唔算好酸，捞埋啲士多啤梨片真系好夹，而且个味道好清香，果香原来夹葱油饼
拣咗呢间叫Kong 既bar 系见佢嘅格局casual啲，又似bar又似bistro 咁，可以睇下有咩好野食。门面用灰色调够舒服，加左啲黄色铁櫈又即刻成个感觉young返。所以见到喺入面既客人都以年轻人为主。一入去，一班店员都好热情，又推介左几款小食建议我哋试。
攞起个Menu都觉得几有趣，个封面系曾灶财𠮶啲皇帝式嘅字，而且好多饮品同食物都玩好多广东话嘅食字。好似女朋友拣个杯咸+0🤣听个名都好笑，落order时听个鬼仔repeat order时仲好笑！不过话时话，杯咸+0都几好饮，少量vodka加埋咸柑桔水、少少姜汁同青柠mix埋几夹。
嘢食我哋就拣咗佢推介嘅葱油饼，佢建议拣最少一款dip食，我地就拣左佢推介既士多啤梨乳清干酪。个葱油饼一上枱嘅时候又香又热又脆，加埋啲葱嘅香味已经好好食！再点埋个dip更加系绝配👍🏼个乳酪底唔算好酸，捞埋啲士多啤梨片真系好夹，而且个味道好清香，果香原来夹葱油饼咁work! 唯一算系缺点嘅地方，就系块葱油饼一冻就会冇咁好食，所以要快啲食哂佢！
另外叫咗莲藕片同埋炸鸡皮，同样有惊喜！个莲藕片切到好薄同埋炸到好脆，第一下食落都唔觉得似莲藕！但系真系好香口，而且佢落咗少少葱花、同埋一个甜甜地嘅酱喺上面，送酒一流。炸鸡皮亦都系另外一个好出色嘅小食，首先佢卖相已经好靓，一块块咋好嘅大鸡皮放喺个碗嘅周边，中间就放咗一只中式嘅杯仔，用嚟装一个好似千岛酱嘅物体俾你点。第一眼望落去就此一大朵花系个碗入边！鸡皮无论就咁食、或者点将食都一样好味，鸡尾同油味都好香，但佢又唔会话食入口好油腻，好食！又系送酒绝配！
至于主食方便佢个menu暂时唔算好多，不过我哋两个食下食下都饱咗七成左右，所以就叫多个肠粉食都应该够啦。拣咗呢个车厘子可乐牛腩肠粉，听到名就觉得怪怪地……但系黎到既时候又觉得佢卖相几正常😂其实即系牛腩肠粉，用咗可乐加少少辣汁打咗个轩，在用咗啲韭菜同埋芽菜毯底，同埋几粒煮过既车厘子啦。肠粉皮系有少少厚，但系入面个牛腩肉沾左个汁都好食。啲芽菜都系惊喜位，夹埋条肠粉一齐食提升到个口感。
总括一餐已饮嘢同小食为主，但系其实试咗几样小食加埋都几饱肚。我哋都几欣赏佢嘅创意同心思，其实带外国游客或朋友黎试下呢啲新派既港味fusion 菜都几有趣，系值得一试既bar/餐厅。
张贴
