影片
更多
2023-12-27
176 浏览
📍久両菜 (中环)🔎中环皇后大道中93号中环街市1楼124-125号舖-----见到中环街市新开咗呢间潮州菜，人流旺盛，搞到我都跃跃想试，刚好遇著妈咪约咗朋友打麻雀，就决定黎试一试。.餐厅装修港味十足，好多霓虹灯打卡位，几有特色感，两个人一共order咗5样野，比想象中饱肚。1.沙姜鸡脚2.卤水鹅片拼墨鱼3.咸菜胡椒猪肚4.榄角黑豚腩肉配潮州柑桔5.嗱渣炒面.沙姜鸡脚暖暖地唔系冻食，一兜近乎10只鸡脚，两个人share食得几双，鸡脚质感恰到好处，唔会过于软烂，且保留弹性，唔错，沙姜味好柔和清新，同酒楼食开个种比较油润浓郁嘅沙姜味唔同。.卤水鹅片拼墨鱼好有惊喜，鹅片鹅油丰腴，墨鱼鲜味爽口，豆腐软嫩得黎唔容易夹散，最重要系卤水汁唔会太咸，惊喜地比好多老店出息。.咸菜胡椒猪肚同样系惊喜之作，白胡椒味浓而不呛，猪肚软嫩中不失弹牙，咸菜亦唔会过咸，下饭一流，整体暖身开胃。.榄角黑豚腩肉配潮州柑桔则是香香甜甜，豚腩肉半肥半瘦，有点邪恶，却是令人欲罢不能。.嗱渣炒面味道类似无咖喱版嘅星洲炒面，干身唔油腻，不错。
🔎中环皇后大道中93号中环街市1楼124-125号舖
-----
见到中环街市新开咗呢间潮州菜，人流旺盛，搞到我都跃跃想试，刚好遇著妈咪约咗朋友打麻雀，就决定黎试一试。
.
餐厅装修港味十足，好多霓虹灯打卡位，几有特色感，两个人一共order咗5样野，比想象中饱肚。
1.沙姜鸡脚
2.卤水鹅片拼墨鱼
3.咸菜胡椒猪肚
4.榄角黑豚腩肉配潮州柑桔
5.嗱渣炒面
.
沙姜鸡脚暖暖地唔系冻食，一兜近乎10只鸡脚，两个人share食得几双，鸡脚质感恰到好处，唔会过于软烂，且保留弹性，唔错，沙姜味好柔和清新，同酒楼食开个种比较油润浓郁嘅沙姜味唔同。
.
卤水鹅片拼墨鱼好有惊喜，鹅片鹅油丰腴，墨鱼鲜味爽口，豆腐软嫩得黎唔容易夹散，最重要系卤水汁唔会太咸，惊喜地比好多老店出息。
.
咸菜胡椒猪肚同样系惊喜之作，白胡椒味浓而不呛，猪肚软嫩中不失弹牙，咸菜亦唔会过咸，下饭一流，整体暖身开胃。
.
榄角黑豚腩肉配潮州柑桔则是香香甜甜，豚腩肉半肥半瘦，有点邪恶，却是令人欲罢不能。
.
嗱渣炒面味道类似无咖喱版嘅星洲炒面，干身唔油腻，不错。
张贴
