影片
更多
2023-02-13
1850 浏览
都市人要减除压力，有好多方法，有啲人就大饮大食、去旅行、去行山、打波做运动，亦有啲人饮杯咖啡、叹杯茶，都喺好舒缓压力嘅方法。今日嚟到海运大厦嘅「Tea Moment」茶饮店享受一下悠闲时光，饮返好个靓心情。 依家时下开咗好多茶饮店，不过大部分都喺比较台式，亦都只喺主打外带，可以堂食嘅比较少，但呢度就好唔同，先讲讲环境，有种好文青风嘅感觉，又似间咖啡小店，装修非常雅致。 其实初时唔知道佢卖咩茶，以为都喺台式，但近门口嘅展示柜，细看之下，原来喺中式茶嘅变奏。店员介绍佢哋喺同本地茶叶老字号「福茗堂茶庄」携手合作，更研发咗全球第一部人工智能泡茶机，将传统泡茶技艺跟现代科技融合，令各种茶叶有更大发挥，怪唔之得里面有几座大大嚿嘅仪器啦！店家嘅宗旨，正如店名嘅中文译名「活在茶下」，希望客人透过一杯茶，饮返好心情，当然，放慢步伐，坐低慢慢细尝。 晌展示柜上，摆放咗店家所卖嘅6种茶叶，包括绿茶、白茶、乌龙茶、红茶、黑茶 及花茶，每一种茶叶都有详细介绍其特性、色香味同埋让人饮出咩心情，非常有意思，而且，每种茶佢都有一支雾化器，可以揿嚟闻一闻吓啲茶香，非常得意。 每一种茶叶旁边，都有一种该茶叶所代表嘅颜色，
依家时下开咗好多茶饮店，不过大部分都喺比较台式，亦都只喺主打外带，可以堂食嘅比较少，但呢度就好唔同，先讲讲环境，有种好文青风嘅感觉，又似间咖啡小店，装修非常雅致。
其实初时唔知道佢卖咩茶，以为都喺台式，但近门口嘅展示柜，细看之下，原来喺中式茶嘅变奏。店员介绍佢哋喺同本地茶叶老字号「福茗堂茶庄」携手合作，更研发咗全球第一部人工智能泡茶机，将传统泡茶技艺跟现代科技融合，令各种茶叶有更大发挥，怪唔之得里面有几座大大嚿嘅仪器啦！
店家嘅宗旨，正如店名嘅中文译名「活在茶下」，希望客人透过一杯茶，饮返好心情，当然，放慢步伐，坐低慢慢细尝。
晌展示柜上，摆放咗店家所卖嘅6种茶叶，包括绿茶、白茶、乌龙茶、红茶、黑茶 及花茶，每一种茶叶都有详细介绍其特性、色香味同埋让人饮出咩心情，非常有意思，而且，每种茶佢都有一支雾化器，可以揿嚟闻一闻吓啲茶香，非常得意。
每一种茶叶旁边，都有一种该茶叶所代表嘅颜色，用嚟做咩呢？原来喺俾啲客人表达佢哋想有啲咩心情，就放喺柜台上嘅收集板，睇见咁多黄色嘅叶，原来好多人都喺希望悠闲抖一抖。
此外，下边仲有好多跟茶饮相关嘅物品作零售，例如有「福茗堂」嘅普洱茶饼、一套特色嘅茶杯、茶壶、保温杯、茶包礼盒……等等。
虽然 6种茶叶作基调，查实茶饮款式有好多，以分类计，有啲茗茶、调饮、燕麦奶调茶、经典茗茶、手泡柠茶；以配合各种茶饮，亦有多款美食，例如特色鸡蛋仔、健康料理、软雪糕、松饼、茶曲奇……等等，好多更以茶作为元素，真喺唔止饮茶咁简单。
仲有就喺店家特意将各种茶叶嘅一冻一热饮品，配上食物作为一个推介建议，当然，客人唔一定咁配，不过试下又无妨。
普洱燕麦奶 $45平时响茶记饮奶茶就饮得多，普洱茶配燕麦奶肯定喺人生第一次，估唔到又夹得到㖞，虽然唔似饮奶茶嘅感觉，但喺，普洱燕麦奶确喺几香，加咗一小片八角，更渗出微微八角香，真有意思。个人觉得，奶泡打得厚身多一点，口感可能更好。
香茅茉莉 $48呢款香茅茉莉，以香茅、蕃茜、青柠、茉莉花茶混合，只有冻饮。因为加咗香茅、蕃茜、青柠，所以入口非常清爽，但又唔会觉得好古怪，几种味道加埋一齐，又意外地衬，真喺茶饮嘅创意可以无限大。
铁观音松饼 $35、大红袍茶曲奇 $38烘焙套餐喺购买任何茶饮，加$25就可配原味鸡蛋仔、松饼或茶曲奇，而松饼另加$15可配上奶油及果酱。松饼嘅茶味好突出，口感实在，但唔会太干，伴上嘅奶油好香滑，果酱亦都好特别，应该喺桃味果酱，但更加入一啲果皮肉；茶曲奇好大件，入口松化，同样茶味香浓，配茶饮真喺几得意。
宣威火腿芝士鸡蛋仔 $68呢款鸡蛋仔每日限量，既然有供应，就唔好错过试一试，餐牌标明喺用上云南宣威火腿、顶级兰王蛋，自然有所期待。当然卖六十几蚊一份鸡蛋仔唔可以讲平，不过晌度喺一种环境嘅享受，况且，鸡蛋仔烘得脆口，蛋心绵密，唔会得阵风，而且好有蛋香，配以火腿、芝士，咸咸香香，实在唔错。
题外话，应该新张关系，有个「买一送一」优惠，但就要做番少少步骤，不外乎晌店家嘅IG / FB赞好、追踪，又公开分享啲饮食物照咁啦，而呢个着数去到2月24日，好短咋，真要把握机会！
今次嘅茶饮嘅体验喺几特别，悠悠闲闲咁，饮返出一份轻松心情！
张贴
