影片
更多
2018-06-12
886 浏览
天口咁热，仲要去完深水湾晒太阳，当然想揾一间地点清静同埋比较高档少少既地方食野，灵机一动就即刻谂到数码港。听上黎好似好远，其实住南区既朋友一定唔会陌生，深水湾有一间巴士直达数码港。果然踏破铁鞋无觅处，得来全不费功夫！之后都要揾左一阵，因为数码港指示比较少，如果大家去既时候最好问一问询问处，唔系会好似我咁揾左一段时间先正式去到奥寿司门口。去到之后，第一个感觉地点优雅，灯光柔和。隔左一阵有一位店长亲自带位，招呼仲非常之好。两个人都比卡位我地，真系有少少唔好意思。店内装潢走高尚风格，开放式寿司吧台，墙身挂满日本旧时代老照片。充分混用空间。坐底之后睇左一阵餐牌，就决定食以下既野食。三文鱼他他 一般三文鱼他他既印象都系圆形蛋糕式咁上，当中间带有牛油果粒，三文鱼粒之类。今次呢份三文鱼他他绝对有惊喜，无论做形上，味道上都跟美式既三文鱼他他完全唔同，外貌上相当精致，非常吸晴！味道方面。第一，浸过水既红洋葱丝舖底，由于经过浸水既处理，冇左一般大家对洋葱味道十分霸道既顾虑。第二，柚子油醋系洋葱丝下发挥好好既醒胃作用。第三，三文鱼以往系会粒状上碟，但系今次系以片状，再经过火炙处理，将鱼表面既油份烧走，带少少
之后都要揾左一阵，因为数码港指示比较少，如果大家去既时候最好问一问询问处，唔系会好似我咁揾左一段时间先正式去到奥寿司门口。去到之后，第一个感觉地点优雅，灯光柔和。隔左一阵有一位店长亲自带位，招呼仲非常之好。两个人都比卡位我地，真系有少少唔好意思。店内装潢走高尚风格，开放式寿司吧台，墙身挂满日本旧时代老照片。充分混用空间。坐底之后睇左一阵餐牌，就决定食以下既野食。
三文鱼他他 一般三文鱼他他既印象都系圆形蛋糕式咁上，当中间带有牛油果粒，三文鱼粒之类。今次呢份三文鱼他他绝对有惊喜，无论做形上，味道上都跟美式既三文鱼他他完全唔同，外貌上相当精致，非常吸晴！味道方面。
第一，浸过水既红洋葱丝舖底，由于经过浸水既处理，冇左一般大家对洋葱味道十分霸道既顾虑。
第二，柚子油醋系洋葱丝下发挥好好既醒胃作用。
第三，三文鱼以往系会粒状上碟，但系今次系以片状，再经过火炙处理，将鱼表面既油份烧走，带少少暖身，由于三文鱼系新鲜，所以没有调味，味道简单，食到食物原本味道。作法十分聪明！
火炙寿司盛合 我一向都觉得如果想知道食店用料是否新鲜，点盛合最好不过，一来可以节省考虑食咩野，二来可以大部分食材都可以一试究竟以知道实力如何。当侍应哥哥呈上后，我呢个决定绝对冇错。首先，寿司以黑色木板呈上，一来黑色可以突出食物，二来经过防吸油既木板系卫生方面比较好。味道方面，由于食材偏多未能逐一介绍，所以我会挑选最突出几款介绍。
一，大虾寿司一般大家对大虾寿司印象都系外表有蟹籽，内里有熟虾肉加沙律酱。今次绝对有惊喜！寿司外表以经过油炸处理既燕麦片舖面，内里有半生熟既虾肉，冇左沙律酱，系味道方面可以完全食到虾肉，寿司饭微酸，燕麦片脆既口感，口感层次丰富，再加上师傅连虾头可以用作装饰，系外表上加分不少。个人相当喜欢呢个做法。
二，烧鳗鱼寿司。一般鳗鱼比较薄，其次鳗鱼汁太甜，盖过鳗鱼味道，令好多人对鳗鱼好感不大。呢个鳗鱼寿司一改我对佢既印象，鳗鱼片肉厚，食到新鲜鳗鱼味道，肥瘦部分分明。其次表面脆口，三来鳗鱼汁有经过精准既调教，微甜得来又唔会盖过鳗鱼味道，再加上顶部带有葱花，令到整个寿司甜中带有一点菜青味，有中和之效！
三，烧三文鱼寿司。三文鱼用左鱼腩部份，表面再经过烧既处理，令到部份油脂被寿司饭吸收，再加上顶部带有柚子胡椒酱，食落口既时候，食到丰富既油脂味中带有一点辣味。最后就系烧池鱼，呢款印象几深刻，深刻地方在于寿司顶部既调味，采用左姜蓉池鱼相当新鲜，就算经过烧后，夹起鱼肉都唔会散开，系新鲜鱼既特点，食落口既味道感觉如食中餐一样，姜蓉味道唔太霸气，令到整个寿司味道唔会太单一，沈闷，更令我觉好似食紧中菜一样！
杂锦天妇罗
呢份天妇罗绝对唔会油腻，因为睇张吸油张已经就知道，可见负责呢个炸物既厨师系时间拿捏方面非常精准！天妇罗外表金黄，其次脆桨唔厚，薄薄一层，唔会令人有食紧面粉感觉。当中连伴碟既萝卜蓉都带有白萝卜甜味，沾天妇罗既酱汁混合白萝卜蓉后，味道完美！我个人好少食炸物点酱汁，因为我想更清楚食到食材本身原味，唔想有外加味道影响。
但系今次连我都破戒一次！由其天妇罗虾特别出色。份量大之外，虾肉爽滑弹牙，再加上酱汁味道更上一层楼。其他炸物味道都相当唔错，令我最惊喜系天妇罗竟然有炸银雪，仲好食过英式既炸鱼薯条，炸鱼天妇罗我都系第一次见，味道方面有少许米酒，姜味，鱼肉结实而唔系市面急冻货色！大家可以不妨一试！绝对好食。
冬茹串 外表相当盏鬼，冬菇被放在木鱼花上面，感觉有一种呢件系易碎品，请小心处理。食物当然要小心处理，由其好食既特别要更加小心，冬茹烧到表面干身，爽甜。但内里多汁，带有好香既茹味，再加上木鱼花既味道，令到冬茹味道更加丰富，唔会太单调！
烧鲭鱼 烧鲭鱼又系呢间食店杰作作品，外貌上可能用出色形容，一般烧鲭鱼都放系长碟上面，冇其他装饰。呢条烧鲭鱼放系一块连叶上面，再加一条子姜条，令到一条好平凡既烧鲭鱼变得相当吸引！味道上市面太多采用急冻鲭鱼，所以系食既时候感觉会食紧一条干煎既鱼咁，食柴感觉。但呢条鲭鱼相比冇以下问题，肉质虽然结实但食到鱼味，夹鱼肉方面有少少困难，因为新鲜鱼肉相对比较黏骨，绝对系好事！十分满意！
整体而言，食材运用相当出色，接近全部都有惊喜，个人十分欣赏三文鱼他他，火炙寿司盛合，因为一洗我对呢两款既印象，大大加分。其次就系服务态度，符合到接近高档餐厅既质素。值得一提，其实我地系二人，我都唔好意思坐卡位，我有要求换番二人位，但店长都坚持以舒适度优先考虑！所以觉得呢一间食店绝对系做到对食物认真，对客人如朋友。虽然地点唔太就脚，但系绝对值得下一次再去！
张贴
