天天素食

营业中

休息中

一齐做嘢嘅时候有朋友话想食斋，仲有一个朋友过紧嚟揾我哋，所以就叫佢帮手买，冇乜要求，亦都冇乜谂法就嗌朋友决定。返到嚟分别系一个纸盒，加一个胶盒。胶盒入边就系有基本嘅酸斋，斋鸡粒，同埋斋叉烧。味道方面都几好味，酸斋嘅味道好够酸同埋好够汁，斋鸡粒方面就比较大粒咗啲，相比之下亦都冇咁突出，斋叉烧反为咬落去都几好口感，味道亦都唔错。而纸盒入边就系豆腐卷同埋斋烟熏猪肚，豆腐卷方便反为比较干，同埋冇乜味道，有啲失色。但系重点系个斋烟熏猪肚，非常之咁好味，佢𠮶浸烟熏味食落口真系好似食紧猪肉咁，好友惊喜，叫咗朋友下次再买过嚟食。