客家人窯燒雞

营业中

休息中

男朋友话最近尝试左啲好嘢要拉队再去食多次..估唔到真系样样都有惊喜！小店舖面唔大，但都坐得舒服。我地一坐低，就order左招牌嘅窰烧鸡同惹味骨，因为系即烧嘅，所以等嘅时候我地仲叫左几个小食食住先..我地一开头叫左车厘茄、猪手同埋鸡肾，鸡肾份量好多而且好爽脆惹味，我完全停唔倒口..猪手皮爽口，仲食倒少少梅嘅味道..酸酸甜甜咁，好开胃食到咁上下，只鸡就上台喇，一上台𠮶下真系超香..因为只鸡原只上台，店家提供铰剪俾我地自己剪开食..一剪香啲鸡汁就流出黎，啲鸡皮好烧到好薄好脆，一啲肥油都冇..食落劲juicy劲滑..鸡入面见倒有迷迭香，仲有其他嘅腌料..唔怪得啲鸡肉咁香..👍🏻果然系招牌！之后到个惹味骨，师傅烧到微㶶有阵焦香味..外面少少甜甜地，入面都好入味…我食完一条又一条..哈哈..始终keep住食肉，呢个时候，再食番一开头叫嘅车厘茄简直系个好配搭呀！个车厘茄去左皮，用桂花糖渍，食完大大旧肉再整番粒凉浸浸嘅车厘茄，好开胃..又可以继续食喇🤣我地见啲小食咁好食 最后仲加多左个泡椒鱼皮，个鱼皮少少辣同好爽脆，食下食下就食晒成兜..果然冇介绍错！下次要再去食埋其他小食先！