Starry Night (已結業)

去左博文街呢间西餐厅同屋企人庆祝圣诞。因为响指定日期前订座，所以当晚有8折优惠😊。当日系指定节日menu，我地拣左唔同嘅main course，我自己点左牛柳，屋企人试龙虾，个set仲有蟹饼、龙虾汤同甜品。个龙虾汤份量都算多，仲有唔少龙虾肉，所以饮完以已经有啲饱。我个牛柳拼薯蓉，个薯蓉另外用一个筒仔装住，好好味，好香牛油，最后太饱，被迫放弃个薯蓉。起初其实都想点龙虾，不过惊好难搞，所以冇点，原来龙虾起晒肉架，早知食呢个啦，夹左老公𠮶份试下，好甜美😋。最后甜品系我最爱嘅云呢拿雪糕配苹果酥，为呢餐划上完美句号。