Soul9+ (已結業)

喺北角新光戏院睇完大戏周围行揾嘢食，揾到一条好多食店既巷，经过见到呢间环境格调唔错，就入咗去试吓。一边装修好得意，麻雀虽小搭五藏俱全，铺头虽然好细但系环境不错，份外格调。田园沙律配自家油醋汁菜好新鲜而醋嘅味道好有口感，同好特别，钟意食醋嘅朋友一定要点佢地嘅自家醋汁沙律黎食。意大利芝士条配黑松露酱芝士有五条，佢出面嘅炸皮同街外边唔同，佢系混入左香草，感觉香口啲， 入面的芝士有拉丝嘅效果，黑松露酱好香，配黑松露酱有意外惊喜嘅味道。轻煎带子蟹子黑醋珍珠带子煎得好香口，如果钟意食带子嘅话应该要嗌两份先够喉，黑醋珍珠味道特别。黑松露海胆鹅肝忌廉芝士意大利饭呢个可以推介一下，黑松露酱配意大利饭好香，鹅肝煎得刚刚好，好香之余食啰唔会太油，而海胆就大大份非常之甜，唔会腥，最后意大利饭个汁唔会太流，好香口。最后叫咗两杯热嘅薄荷朱古力，朱古力龙尾得来加小小薄荷味，饮落都几好OK。