恩嚐甜品

营业中

休息中

喺新蒲岗跳完舞，热辣辣，又想同朋友倾多一阵，就谂住买个甜品，去公园边食边倾～之前都经过过依间小店，见都几受欢迎，一于试试😎😎小店门面都算系光鲜整洁喺门口就可以睇到餐牌，甜品种类都算几多，中西式都有，真系花多眼乱😋😋芒果河粉伴雪糕超级有惊喜！芒果肉份量好多，而且系大大粒，好厚肉，够晒Juicy! 厚肉芒果+滑嘟嘟嘅河粉+浓郁嘅雪糕，配合埋一齐，口感丰富，超享受❤️❤️朱古力心太软伴雪糕朋友话都唔错～值得一赞嘅系佢哋好细心，将暖笠笠嘅朱古力心太软，同冻冰冰嘅雪糕分开放，起码可以食嘅时候先因应个人喜好将两样沟埋一齐，唔会令啲雪糕一早溶晒👍🏼👍🏼整体来讲我哋都食得好开心可以食到小店嘅用心制作价钱算大众化，但用料十足！食完开心晒，又透心凉🥰🥰