森戶 (官塘立成大廈) (已結業)

今日收工约咗个旧同事食生日饭，旧同事喺观塘返工，所以就过去食。其实观塘牛头角𠮶边都好多美食嘅，但系今日试呢间就近牛头角地铁站，出奇地有点惊喜！店舖唔算大，今日拣咗吧枱同朋友坐，叫咗鱼生，寿司同埋少少串烧。。。先嚟个特上刺身拼盘先，包括有大拖罗两块深海池鱼两块金目鲷两块赤贝一件海胆再嚟特上寿司拼盘，包括有拖罗，牡丹虾，赤贝，银鳕鱼，深海池鱼，白身鱼，金目鲷，海胆，三文鱼籽各一件食得出佢哋嘅鱼生都好新鲜，同埋都几厚身，唔系薄薄冇料到𠮶啲。。。所以系物有所值其实食完刺身同寿司已经饱饱地，所以叫埋牛舌，五花腩，鸡翼串烧就够哂！牛舌好好肉，爽！五花腩肥瘦适中，正！鸡翼都好入味，惦！满足的一餐！