Hosea

营业中

休息中

九龙城都有唔少西餐，未试过呢间，见佢装修都几精致俾佢吸引咗入去。有二人餐或者系一人餐，二人餐其实非常抵食，但奈何食唔到太多怕浪费，就同朋友一人一个餐share。精选沙律沙律唔系普通嘅杂菜沙律，系有肠仔，又有长通粉嘅沙律，份量都唔少。餐汤今日餐汤系薯仔忌廉汤，好creamy。$178 香煎三文鱼柳伴虾刁草忌廉汁虎虾非常之鲜甜，有手掌咁长，虾肉弹牙，仲有食到虾膏添。香蕉三文鱼份量都几大件，唔会觉得腥，煎得啱啱好，唔会老。仲配咗薯蓉，口感绵滑。$188 香烤新西兰肉眼排 5 成熟肉眼份量唔细，冇谂过咁大块，煎得啱啱好，少少焦香，肉质鲜嫩。炸薯角外脆内嫩，呢个价钱劲抵食。青苹果冰茶朋友话青苹果味都浓郁。水蜜桃冰茶好Fresh，唔会过甜。唔需要加钱好抵🥳。