影片
更多
2014-11-05
3308 浏览
教跳阿根廷探戈o既KP老师相约聚餐，原本系想介绍学生及好友们食士美菲路市政大厦街市熟食中心内最出名o既清汤腩，点知晚上七时半前，该店已经卖哂清汤腩，我地唯有喺中心度另觅美食。喺熟食中心食野其实就好似喺商场food court咁，只要有位坐，就可于不同食档购买食物，唯一规限系要即时找数。我地五个人为舒服方便起见，就随便拣咗间有大枱o既「煮厨」。对于居湾仔o既小肥黎讲，士美菲路市政大厦街市熟食中心地点真系有啲隔涉，因为地鐡唔到，的士估计都要成旧水，如果搭电车，车程亦较远及需时；当日选择咗乘坐巴士，结果塞咗成个钟先到。熟食中心内座位大多为接枱接櫈，被食肆包围，集中于大堂中央，虽然人多有啲嘈吵，但感觉好街坊。属「煮厨」o既餐桌都有枱布，亦有滚水冲洗餐具，都算讲求卫生。「煮厨」o既伙计好热情，不断游说食客入座帮衬，推介食店招牌菜式。其老板亦毫无架子，粗重功夫全部都会落手落脚自己做，就算我地喺其他食档叫食物，佢都冇黑面，就连老师要求一杯滚热辣o既热水黎冲药粉，佢攞上枱时都好细心地叫小心烫，比起某啲所谓高级食肆o既服务生更为亲切体贴。大家随心所欲，想食乜就叫乜。窝贴小唐菜（墨鱼饼）（$88）：第一味
对于居湾仔o既小肥黎讲，士美菲路市政大厦街市熟食中心地点真系有啲隔涉，因为地鐡唔到，的士估计都要成旧水，如果搭电车，车程亦较远及需时；当日选择咗乘坐巴士，结果塞咗成个钟先到。熟食中心内座位大多为接枱接櫈，被食肆包围，集中于大堂中央，虽然人多有啲嘈吵，但感觉好街坊。属「煮厨」o既餐桌都有枱布，亦有滚水冲洗餐具，都算讲求卫生。「煮厨」o既伙计好热情，不断游说食客入座帮衬，推介食店招牌菜式。其老板亦毫无架子，粗重功夫全部都会落手落脚自己做，就算我地喺其他食档叫食物，佢都冇黑面，就连老师要求一杯滚热辣o既热水黎冲药粉，佢攞上枱时都好细心地叫小心烫，比起某啲所谓高级食肆o既服务生更为亲切体贴。
大家随心所欲，想食乜就叫乜。
窝贴小唐菜（墨鱼饼）（$88）：第一味先试食「煮厨」伙计重点推介之窝贴小唐菜墨鱼饼。墨鱼饼外貌虽然并不吸引，但果真美味非常！其窝贴皮层香脆无比，干身且唔油腻，皮下o既小唐菜墨鱼馅更加系热力十足，爽脆弹牙，超掂！
咸鱼生啫芥兰煲（$60）：翠绿o既芥兰用煲上，好够热。芥兰用咸鱼炒制，质感爽脆，野味得黎唔会过浓，而且一啲渣都冇，好食得有点儿意外。
蒜蓉粉丝蒸中虾（$88）：反而依味粉丝蒸中虾就有啲失望啦，因为蒸咗好耐先有得食，黎到虾身又老又嚡，不吃也吧！
胡椒猪肚咸菜汤（$68）：胡椒猪肚汤尚算足料味浓，猪肚又冇「押」味，不过如果可以加多少少胡椒，效果应更佳。
煮厨小炒皇（$78）：小炒皇新鲜热辣，好够镬气。嫩脆o既韭菜花，配上爽口o既虾仁及野味o既虾干，简单美味。
士美菲路市政大厦街市熟食中心地点偏远，环境亦较简陋，估计主要做区内街坊生意。今次真系感激KP老师介绍，得知中心内原来藏有惊喜小炒食肆「煮厨」，不但菜式香口野味，镬气充沛，价钱合理，老板伙计更同为落力及友善好客之人，唔怪得知店内坐满客人，绝对值得推介。张贴
