影片
更多
2018-01-11
142 浏览
喺尖沙咀放工，天寒地凍，同同事揾野食，經過從前是食川菜的餐廳，變左做小炒餐廳，見唔駛排隊，就走左入去試下！入面環境闊落，有大檯有細檯，一圍12 人檯都有，而且都幾乾淨！餸茶選擇眾多，餐廳牆身都掛滿左推介的菜式，每樣我都想試下，不過兩個人都食唔到幾多，唯有叫幾個餸試下，估唔到d 餸咁快嚟到！招牌亞嫲雞，雞滑，味道香，似鼓油雞，又似芝麻雞，非常好食！西芹雞柳是同事的 飛佛 , 佢去邊都要試下，一放落檯已聞到好香，好有鑊氣，雞柳經油泡過，特別香口！蒜蓉炒菜心，賣相精緻，菜心也甜，不會太多油！ 好味！咸魚煎肉餅，是晚最令我同同事食指大動的菜式，第一口食落似午餐肉，不過又無午餐肉的肥，咸香味適中，沒有搶去肉餅的味道！而且煎得很香口，非常好食！ 其實2 個人食左4 個菜，都已經很飽，不過建議大家留返少少空間，餐廳有免費糖水供應，千祈唔好以為係送就一定唔會好得去邊，待應話每天晚上都會轉唔同款式，今晚就有南瓜西米露，南瓜味濃，很滑，甜度適中，啱晒我！4個高質小炒，埋單290蚊，在尖沙咀區嚟講，實屬難得，令人驚喜，有機會必定再次光顧！
入面環境闊落，有大檯有細檯，一圍12 人檯都有，而且都幾乾淨！
餸茶選擇眾多，餐廳牆身都掛滿左推介的菜式，每樣我都想試下，不過兩個人都食唔到幾多，唯有叫幾個餸試下，估唔到d 餸咁快嚟到！
招牌亞嫲雞，雞滑，味道香，似鼓油雞，又似芝麻雞，非常好食！
西芹雞柳是同事的 飛佛 , 佢去邊都要試下，一放落檯已聞到好香，好有鑊氣，雞柳經油泡過，特別香口！
蒜蓉炒菜心，賣相精緻，菜心也甜，不會太多油！ 好味！
咸魚煎肉餅，是晚最令我同同事食指大動的菜式，第一口食落似午餐肉，不過又無午餐肉的肥，咸香味適中，沒有搶去肉餅的味道！而且煎得很香口，非常好食！
其實2 個人食左4 個菜，都已經很飽，不過建議大家留返少少空間，餐廳有免費糖水供應，千祈唔好以為係送就一定唔會好得去邊，待應話每天晚上都會轉唔同款式，今晚就有南瓜西米露，南瓜味濃，很滑，甜度適中，啱晒我！
4個高質小炒，埋單290蚊，在尖沙咀區嚟講，實屬難得，令人驚喜，有機會必定再次光顧！
张贴
