吃貨

营业中

休息中

星期日中午探完朋友见肚饿，就行下商场有咩食。本身好少过黎马鞍山呢边，个商场基本上除左连锁店都冇乜选择。见到呢间小食店好似新开冇耐，啲野食同野饮都唔贵就谂住试下。买左一个鸡堡同猪堡、芒果梳打西柚梳打、咸酥鸡，出乎预料比想像中好味道。讲紧嘅系每样只系廿几蚊大大份又大大杯，简直抵到烂。啲野食见到系即叫即整，尤其系个鸡扒包同咸酥鸡劲juicy，野饮有埋果肉俾你，唔似出面乜都冇，最后埋单百零蚊食完好满足。间野老细原来系后生夫妻档，仲几风趣幽默，希望可以继续保持水准，下次再过黎再试下其他款式。