稻香超級漁港 (已結業)

今日约了一班朋友人庆生，谁知？大部份都俾老板整蛊，结果人齐出到黎都八点几九点。原本订台果间餐厅已经过晒钟，唯有求其揾间酒楼食个饭，贪佢坐得舒服，收得夜啲，可以倾下计！去到见到有打边炉放题，经理又礼貌地介绍给推荐，而且$138仲包自助饮品，岩晒我地成班吹水怪！一蚊只鲍鱼，滚完仲大大只，而且鲜甜，唔错！鲍鱼师傅用刀𠝹开了，贴心，唔洗放个壳落去甘dirty 任饮任食打边炉，有广岛蚝食都好少可，仲要啲蚝唔细只，又鲜味！喺超市买一包都成旧水，喺度食得两三转，回本话甘易！叫到成枱都系，仲要有花胶、有肥牛、有鲜虾，食物全部都系平时正常时段稻香打边炉嘅质素，所以放题百零蚊，可以食到咁多好嘢绝对系抵之又抵！总评：$150，又饮又食，质素仲要正！下次宵夜的首选！