漁牧 (已結業)

前阵子同朋友去撑枱脚，麻辣瘾又发作，决定试下新派川菜渔牧! 食过先知真惊喜!同传统食鸡煲嘅大排档/中菜餐厅好唔同，渔牧走嘅系young and fresh路线，以前一直觉得依D新兴中菜厅得个样，味道/食材一定落唔足料，但系今次食完，绝对推翻我以往固有印象!8点入席，唔驶等位，入到去装修好trendy,空间劲宽倘，最怕食热辣辣嘅鸡煲仲要同人迫。打开menu先知菜单好多元化，谂左劲耐，终于拣左养颜花胶鸡煲!一上枱已经超惊喜!花胶绝对可以用XL size黎形容，绝无夸张，黏口，食落唔会韧，份量足，配料足，两个人真心唔晒，滚起已经闻到阵阵麻辣鸡煲香~食鸡煲当然唔少得各式配料，我地嗌左:墨鱼滑、猪红、豆腐、葛粉、生菜，样样都好新鲜。特别推荐爽口猪红，我一个人啪左成碟都唔够喉!仲有墨鱼滑都系鲜味之选~前菜我地就叫左糖心皮蛋同手抓饼，好有台湾风味~糖心皮蛋系必食架!高质皮蛋唔系间间都有。我仲自创手抓饼包麻辣鸡，觉得自己好有创造力。至于野饮，由于辣得太过瘾嘅关系，我地先后叫左酸梅汤同特饮。推荐菠萝特饮，有气又开胃，好特别ahh总括而言，依餐食得好满足啊，绝对会再翻啅渔牧，试其他菜式!