鮨見 (已結業)

今日去左试间尖沙咀楼上舖既omakase。门面到舖入面都用日式木系风格做舖设。好好彩坐到bar台望到师傅整寿司,一坐底就先出左冷盘同炖蛋,都几开胃,食完前菜就到3款唔同既刺身,咁有食过类似日本菜既都师傅会等客人食完一道先再上下一道菜既,师傅仲会上菜时讲下依道菜系咩或者加左咩酱汁去做带出佢既鲜味。刺身黎讲最惊喜系只蚝非常新鲜又饱满。接住就到7种唔同既寿司,因为唔同时间去师傅可能都准备唔同食材,分分钟下次再去又食到唔同寿司,但睇相都知寿司鱼体系好匀称,饱满得黎油脂够,食落更加唔会有筋,师傅亦都唔悭食材,7件入面最惊艳应该系吞拿拖罗,照师傅既做法仲加左少少日式芥辣喺面,较后先出味既芥辣味好好咁平均拖罗既油脂,言谈间知道原来师傅已经做寿司做左30年,唔怪得对食材同酱汁既运用咁讲究。食完寿司仲有海胆杯系用饭喺底然后海胆盖住d饭,海胆系几鲜甜。最后仲有用鱼骨淆制个半钟而成既汤,要知到日本人好少会用咁多时间黎做汤头,甜品就系店家自制既豆腐雪糕，而家光顾仲有10%off优惠添！