影片
更多
2023-09-15
1011 浏览
餐厅以红黑色为主调, 天花板挂满日式灯笼, 好有日本气氛, 而且楼底高有空间感, 窗边位仲可以望到IFC 嘅夜景, 好浪漫, 枱与枱之间有舒适距离, 坐得好舒服。𓊈日式素食放题 $𝟻𝟹𝟶𓊉素食放题选择好丰富, 有唔同前菜, 卷物, 串烧, 天妇罗同热食, 另外每人仲可以叫一款主菜, 真系好丰盛!𓆹 前菜前菜有绿天使他他, 菠菜沙律, 海云同冷奴。绿天使他他系蔬菜天妇罗, 炸得好酥脆, 味道香浓, 必食推介! 海云味道偏酸但好开胃。𓆹 卷物卷物有墨西哥卷, 杂菜天妇罗卷, 辣味啦啦卷, 山芋卷, 秋葵卷同黑金卷, 款款都有唔同口感, 最惊喜系秋葵卷处理得好好, 唔会有滑潺潺嘅质感。𓆹 炉端烧炉端烧有狮子唐, 豆腐, 甜蕃薯, 银杏同素鸡, 豆腐有少少似臭豆腐嘅质感几特别。𓆹 炸物炸物有紫苏叶素鸡天妇罗同椰菜花天妇罗, 2款都炸得好酥脆, 椰菜花天妇罗酸酸甜甜, 好好食!𓆹 热盘热盘有素饺子, 焗杂菌同杂菜炒乌冬, 杂菜炒乌冬系名古屋嘅扁乌冬, 虽然外貌好似河粉, 但系质感好烟韧。𓆹 主菜 ✧ 西瓜扒西瓜扒以秘制酱汁焗4个钟, 然后将外层煎香, 有烧肉嘅味道, 非常juicy, 口感好特别
𓊈日式素食放题 $𝟻𝟹𝟶𓊉
素食放题选择好丰富, 有唔同前菜, 卷物, 串烧, 天妇罗同热食, 另外每人仲可以叫一款主菜, 真系好丰盛!
𓆹 前菜
前菜有绿天使他他, 菠菜沙律, 海云同冷奴。绿天使他他系蔬菜天妇罗, 炸得好酥脆, 味道香浓, 必食推介! 海云味道偏酸但好开胃。
𓆹 卷物
卷物有墨西哥卷, 杂菜天妇罗卷, 辣味啦啦卷, 山芋卷, 秋葵卷同黑金卷, 款款都有唔同口感, 最惊喜系秋葵卷处理得好好, 唔会有滑潺潺嘅质感。
𓆹 炉端烧
炉端烧有狮子唐, 豆腐, 甜蕃薯, 银杏同素鸡, 豆腐有少少似臭豆腐嘅质感几特别。
𓆹 炸物
炸物有紫苏叶素鸡天妇罗同椰菜花天妇罗, 2款都炸得好酥脆, 椰菜花天妇罗酸酸甜甜, 好好食!
𓆹 热盘
热盘有素饺子, 焗杂菌同杂菜炒乌冬, 杂菜炒乌冬系名古屋嘅扁乌冬, 虽然外貌好似河粉, 但系质感好烟韧。
𓆹 主菜 ✧ 西瓜扒
西瓜扒以秘制酱汁焗4个钟, 然后将外层煎香, 有烧肉嘅味道, 非常juicy, 口感好特别。
𓆹 主菜 ✧ 烟熏鱼刺身盛合 +$𝟷𝟼𝟶
鱼素食/ 唔系食开全素嘅朋友可以叫刺身盛合, 摆盘好精致, 每款都好新鲜鲜甜。
𓆹 Chit-chat tea $𝟻𝟾
以Cold Brew配蜜桃同绿茶, 味道好清甜, 好好饮!
𓆹 Yuzu Sunrise $𝟼𝟾
柚子同橙嘅香味突出, 类似沙冰嘅质感, 唔会觉得太甜, 好好饮!
𓇊 整个日式素食放题体验好有质素, 选择好丰富, 建议每款先试一件, 因为食完主菜已经会好饱, 未必食得落, 值得推介!
张贴
