藏 (已結業)

铜锣湾新开张日本菜，原本想试omakase, 但系又想测试水准先，突登book中午试下。店内走时尚简单风格，空间感强，唔似一般日本餐厅又迫又窄。午餐set menu选择好多，我拣左精选刺身。waitress小心罢好前菜，我就一路食一路睇师傅表演，估唔到lunch time都咁认真，摆好盘仲逐款介绍，超水准既服务。精选刺身有肥嘟嘟既拖罗、深海鲷鱼、银雪鱼、帆立贝、虾、油甘鱼等等。拖罗肥美非常，入口即溶；深海鲷鱼当时得令，入口就知道新鲜，轻轻点d酱油提鲜，又系回味无穷。最令人惊喜竟然系个银雪鱼，我见肉身呈奶白色，师傅轻轻烧左表面，入口就不得了，一口鱼油香气，加上肉质鲜嫩，估唔到银雪鱼可以咁好食。我个set仲包汤、白饭同甜品。由于食左肥美拖罗同充满鱼油既银雪鱼，我饱到食唔落饭...但系都饮汤暖下胃。结尾甜品有椰子雪糕，清甜得黎啖啖椰子丝，非常满足。