黑木亭居酒屋 (清風街) (已結業)

黑木亭居酒屋(清风街)今日去港岛做野，顺便行下见到依间黑木亭谂起之前有朋友介绍过所以入去试下，由于时间仲早所以餐厅只有我地一台客，我地都无咩谂法有咩好食就直接问员工有咩好推介，我地都系爱蚝之人，见到餐厅做左个本月推介系生蚝🦪 我地就即刻点左，仲叫左个海产细味六杯蚝🦪 (6杯) 餐厅使用日本新鲜嘅广岛蚝，用Tequila杯加上泰式、鸡尾酒、仲有日式酸汁、每款两只岩晒我地一人一只，非常新鲜爽甜。 厨师发板嘅寿司🍣 (8件) 厨师选用当晚最新鲜食材制作寿司，我地个晚就有带子，甜虾，左口鱼，三文鱼，拖罗，鳗鱼，八 爪鱼，每款都非常鲜甜新鲜。日式串烧今次我地叫左厚切猪颈肉，豚肉包鸡髀菇，免治鸡肉棒🍗，鸡股，明太子鸡腿肉串烧面烧到微焦非常之香口，口感细腻，十分惹味。整体比我地想像中好吃！今次我地仲叫左2杯野饮，北海道芒果牛乳乳酸同士多啤梨多多熊冰，酸酸甜甜饮落好清新又唔会过 甜，小熊冰好得意打卡真系一流!