圓山台灣料理 (已結業)

某次经过圆山，系the one 附近，朋友话，啲蚬好滑。咩叫啲蚬好滑？因为呢句费解既comment, 我黎到圆山食晚餐😂原来佢系酒楼格局，中午有点心，晚市有小菜、海鲜。menu好大本，好多菜式，感觉台菜粤菜都有🤔前菜爽口带蒜味。呢个就系朋友推介既炒海瓜子(蚬)！台式口味加入九层塔，海瓜子粒粒涨卜卜，勾埋小小芡真系又滑又肥美！呢个肉松皮旦豆腐系必点！呢个几惊艳，咁简单既配搭原来系咁好味！最特别系啲皮蛋冇乜味，我钟意~呢间店有卤肉/肉燥饭。唔太好肥肉既我选了后者。肉粒瘦得黎唔会太干，淋上肉汁，满足~炒A菜即系我地叫既油麦菜。呢碟都几淡口，平衡一下。三杯鸡的三杯，一般指的是麻油、米酒、酱油各一杯，加上九层塔带来的浓重口味菜式。一直只闻其制法，未尝一试的我终于系香港试到。三杯鸡以热锅送上，尤如香港既嘟嘟鸡，滚热浓口！红枣糕上桌时新鲜蒸起，枣味浓郁。同我一样系红枣迷既必试🤤🤤🤤最后打卡会送椰汁红豆糕，椰汁味几浓~食完我下次会推介呢间野作为家庭聚会，服务快得黎又有礼，一般酒楼实在食到厌啦👵🏻