影片
更多
2017-10-25
539 浏览
最钟意周围发掘好味小店，特别周围试下火锅店，因为大路火锅店食黎食去都系𠮶啲。今次专登黎试下呢间本土火锅小店，特别我地住新界嘅，唔系度度都食到有质素的火锅店，有时都要周围揾下用心制作好味火锅，要好好迎接火锅季黎临喇！呢间隐世小店其实唔难揾，喺联和垆和泰街，门口旁有个「龙」字灯箱，店内灯火通明，唔会认错！座系度亦可以睇到厨师们准备食材，开放式咁睇到嘅干净更加放心咁食。坐低见到隔黎枱叫左个麻辣锅传啲花椒味过黎好香！心郁郁去试下！叫个双拼锅底试下先！推介刺激味蕾！！！！『四川麻辣鸳鸯锅』 － 佢个麻辣锅香料劲足料！香料劲足，所以味道越滚越有浓郁麻辣味，配埋打边炉食材好正呀！食麻辣锅有时最怕好大层红油又肥又滞，但呢个锅完全无呢个问题，以香料为主嘅汤头，香料明显有炒香过，味重麻辣，香辣惹味，辣度都唔可以睇少呀，啱哂我地麻！辣！控！锅底另一边清汤有皮蛋可以聚下火！汤底唔会淡而无味，汤底配搭满意！其他火锅配料卖相吸引，同埋用料新鲜最值得加分！碟碟上碟都摆得靓靓嘅， 呢啲微细处更睇得出小店喺咪肯花工夫！我地4个人每人点自己钟意食嘅！劲惊喜！！见到佢地有手工金沙炸鱼皮，即系每条鱼皮加左咸蛋黄一齐整，见过红
呢间隐世小店其实唔难揾，喺联和垆和泰街，门口旁有个「龙」字灯箱，店内灯火通明，唔会认错！座系度亦可以睇到厨师们准备食材，开放式咁睇到嘅干净更加放心咁食。
坐低见到隔黎枱叫左个麻辣锅传啲花椒味过黎好香！心郁郁去试下！叫个双拼锅底试下先！
推介刺激味蕾！！！！『四川麻辣鸳鸯锅』 － 佢个麻辣锅香料劲足料！香料劲足，所以味道越滚越有浓郁麻辣味，配埋打边炉食材好正呀！食麻辣锅有时最怕好大层红油又肥又滞，但呢个锅完全无呢个问题，以香料为主嘅汤头，香料明显有炒香过，味重麻辣，香辣惹味，辣度都唔可以睇少呀，啱哂我地麻！辣！控！锅底另一边清汤有皮蛋可以聚下火！汤底唔会淡而无味，汤底配搭满意！
其他火锅配料卖相吸引，同埋用料新鲜最值得加分！碟碟上碟都摆得靓靓嘅， 呢啲微细处更睇得出小店喺咪肯花工夫！我地4个人每人点自己钟意食嘅！
劲惊喜！！见到佢地有手工金沙炸鱼皮，即系每条鱼皮加左咸蛋黄一齐整，见过红爆网络有包装小食，但无食过现炸嘅，见到呢度有！即！点！呢个都好赞呀， 好少机会新鲜现炸上碟热腾腾！咸蛋黄独有香味，令鱼皮更加提升左佢嘅美味！金黄色金沙咸蛋黄好味呀，就咁当小食已经好好味，贪得意放落清汤度浸下，又有另一个食法！一定要叫！
平时通常叫手切肥牛，今晚全女班，肉食LIGHT D，今次叫个手切牛展肉黎试试佢先！牛𦟌肉原来肉味比平时食手切肥牛，肉味更集中更浓，连著筋膜有嚼头。
鱼系我地嘅至爱，我地叫左脆肉鲩片，再另再encore左个脆鲩骨腩！睇得出鱼好新鲜，食落卜卜脆架！脆脆爽爽又无腥味，放落清汤就试到佢鱼嘅清甜！
即后再2个手工手打丸黎试下 － 手工虾丸同手工墨鱼丸！佢嘅手工虾丸粒粒都有条虾尾架！墨丸就有虾籽！手工丸口感绵密好鲜味，佢打得起哂胶食落好弹牙架。而家我出去打边炉都爱上食手工丸多过传统肉丸，手打丸鲜味得黎又唔有防腐剂！再叫左个西洋菜同埋韭菜饺，咁就饱饱喇！
好钟意呢度有生啤！所以唔好睇少小店呀，即刻斟即刻饮好过饮罐装嘛，风味，味道都好啲！食麻辣锅同生啤总系分唔开的！哈哈！今次无黎错呀！
11 浏览
0 赞好
0 留言
张贴
