鶴崎居酒屋 (已結業)

咁岩去开观塘做野，同事介绍呢间新开嘅居酒屋食物唔错，就入去试下！餐厅环境布置得好日式，座位阔落，坐得好舒服！▪️牛油果豆腐沙律🥑🥗豆腐好滑，切到刚好一口咬到嘅size！牛油果软绵绵，沙律菜都几爽脆，附上芝麻酱食好香浓，好fresh好开胃！▪️云糖寿喜烧 - 鹿儿岛和牛🇯🇵🐂🍲卖相好吸睛，系锅上面有旧好似云嘅棉花糖，一上台就狂影相，不过影相要快手，个汤滚左后溶得好快，棉花糖溶入汤后令汤底甜度提升，几特别！鹿儿岛和牛份量比想像中多，和牛油脂分布平均，靓牛就咁渌两渌就食得，入口软绵绵，非常好味！牛肉味浓，点埋蛋汁食一流！锅入面配料都几多，豆腐、菇类、菜、红萝卜、冬菇！个锅望落唔算好大，但两个人食都够饱！▪️北海刺身丼🍚性价比极高，超多款刺身：海胆、带子、三文鱼子、呑拿鱼蓉、蟹脚、鲣鱼都有！刺身好新鲜，特别系带子，好鲜甜！仲有得拣多饭，完全唔担心唔够食！整体感觉食物质素相当唔错，以居酒屋黎讲，价钱唔算贵，两个人4百几蚊埋单。而且侍应服务好好，不时走黎加茶，值得再encore！